सीमा क्षेत्रमा अपराधिक गतिविधि बढ्दै: नियन्त्रण गर्न सुरक्षाकर्मी र स्थानीय सम्मिलित सुरक्षा समिति गठन

धरान । सीमा क्षेत्रमा आपराधिक गतिविधि, मानव बेचविखन, सीमा स्तम्भ अतिक्रमण लगायतका गतिविधि बढ्दै गएपछि मोरङको रंगेलीमा सुरक्षाकर्मी र स्थानीयहरु सम्मिलित सुरक्षा समिति गठन भएको छ ।

चाडपर्व नजिकिदै जाँदा तस्की मौलाउँदै गएको, चोरी बढेको यसलाई सर्वसाधारणलाई शान्ति सुरक्षा महसुस होस् भन्ने उद्देश्यले सुरक्षा समिति गठन गरिएको जनाइएको छ ।

मोरङ्ग रंगेली नगरपालिका ४ मा रहेको बोर्डर आउट पोस्ट (विओपी) मा खटिएका सशस्त्र प्रहरी सम्मिलित स्थानीय सरकारसहितको टिम गठन भएको हो ।

जस अनुसार सीमा स्तम्भ समितिमा रंगली ४ नं.बडा अध्यक्ष अवधेश कुमार मण्डल, ससस्त्र प्रहरी बिओपी रंगेलीका प्रहरी निरिक्षक निगम राई, धर्मेन्द्र कुमार मण्डल, सुन मण्डल र दिलिपकुमार साह रहेका छन् ।

समितिले नियमित गस्ती भए नभएको हेर्र्ने, दशगजा इलाकामा कुनै पनि प्रकारका भौतिक संरचना चौपायहरुबाट हुन सक्ने क्षतिका नियमित निगरानी गर्ने लगायत यो समितिले गर्ने जनाइएको छ ।

समितिले वाढीले बगाएको सहायक सीमा स्तम्भ १६५÷३ (४७), १६५÷४(४८) र १६५÷५ (४९) नम्बरको पिलर आवश्यक समन्वय गरी पुन निर्माण प्रक्रिया सुरु गरिने समितिले निर्णय गरेको छ । त्यसैगरी अवैध चोरी, पैठारी तथा हात हतियार ओसार पसार नियन्त्रणका लागि चेकप्वाईन्ट नियमित गर्ने र कानूनी कार्यमा संलग्न व्यक्तिहरूलाई नियन्त्रणमा लिई सम्बन्धित निकायमा कानून बमोजिम कार्वाहीको लागी सिफारिस गर्ने, सिमामा २४ घण्टा सुरक्षा खटाउने समितिले निर्णय समेत गरेको छ ।