धरान/ एम्स एकेडेमीले आप्mनै विद्यालयका विद्यार्थीहरूबीच वक्तृत्वकला प्रतियाबेगिता आयोजना गरेको छ । शुक्रबार सम्पन्न प्रतियोगितामा पुष्पा विश्वकर्मा, रवनीश न्यौपाने र विशाल कालिकोटे क्रमशः पहिलो, दोस्रो र तेस्रो भएका छन् । यसैगरी मन्दिप लिम्बू र रूपसाना राईले सान्त्वना स्थान प्राप्त गरेका छन् । एम्स एकेडेमीमा विभिन्न सङ्कायमा अध्ययनरत् विद्यार्थीहरूले भाग लिएको प्रतियोगितामा निर्णायकका रूपमा राजेश विद्रोही, भोजराज श्रेष्ठ र शान्ति लिम्बू थिए ।
त्यस क्रममा निर्णायक विद्रोहीले प्रतियोगिताका नियमहरूबारे विद्यार्थीलाई जानकारी गराएका थिए । सो प्रतियोगितामा २२ जना विद्यार्थीले भाग लिएका थिए । उनीहरूलाई चारवटा विषय दिइएको थियो । दिइएका विषयमध्ये आपूmलाई मन परेको कुनै एक विषयमा बोल्नुपर्ने थियो ।
विद्यालयका प्राचार्य मित्र तामाङले विद्यार्थीहरूमा भएको प्रतिभालाई उजागर गर्न यस्तो प्रतियोगिता आयोजना गर्ने गरिएको बताए । यस्तै एम्स एकेडेमीसँगै सहकार्य गरिरहेको नेसनल मल्टिपल कलेजका प्रमुख हेमन्त भण्डारीले विद्यार्थीको सर्वाङ्गीण विकासका लागि गुणस्तरीय शिक्षासँगै अतिरिक्त क्रियाकलाप पनि आवश्यक हुने भएकोले यसतर्पm ध्यान दिने गरिएको जनाए ।