धरानमा लञ्च एण्ड बार सञ्चालन

धरान । धरानमा पहिलोपटक मापदण्ड पुरागरी २ करोड लगानीमा लन्ज एण्ड बार संञ्चालनमा आउने भएको छ ।

समयको माग र पर्यटकको आवश्यकता अनुसार २ करोड लगानीमा धरान १५ मा बगरकोटमा रहेको एमएच बार वि क्युले एम .एच लन्ज एण्ड बार संञ्चालनमा ल्याउन लागेको हो ।

संञ्चालक जीवन उसुक मेन्याङ्बोले स्थानीय सरकारको सम्पूर्ण मापदण्ड पुरा गरेर रात्रीकालीन ब्यवसायलाई प्रबद्र्धन गर्दै धरानमा पर्यटक भित्र्याउने उदेश्यले एम.एच. लन्ज एण्ड बार दशैलाई लक्षित गरी सञ्चालनमा ल्याउन लागेको बताएका छन् ।

अहिलेको आर्थिक संकटको स्थितिमा समेत सम्भावना बोकेर सञ्चालन गर्न लागेको उनले बताए । उनले भने–‘ठूलो लगानी लगाएर धरानमा व्यवसाय गर्न जोखिम छ तर पनि धरान आउने पर्यटकहरुले सुविधा दिन सकु भन्ने उद्देश्यले संञ्चालनमा ल्याउन लागेको हो ।’

उनका अनुसार लन्जमा एसी सहितका ११ वटा रुम रहेको बताए । मनोरञ्जन गर्ने आएका ग्राहकहरुले अध्याधिक मदिरा सेवन गरेर घर जान नसकेको अवस्थामा रुमको सुविधा दिने उद्देश्यले सञ्चालनमा ल्याएको उनले बताए ।

लञ्जमा ४० देखि ५० जनाले रोजगारी पाउने मेनाङ्बोले बताए । लञ्जमा सबै किसिमका भेज ,नन भेज परिकार पाइने बताए । विगतदेखि नै लिम्बू जातिको परिकालाई प्राथमिकतामा राखेको बताउदै त्यो सँगै चाईनिज , इन्डियन, कनटिनेन्टन समेत उपलब्ध गराइने सञ्चालक मेन्याङबोले बताए ।