लोक, आधुनिक र पप गायनमा अगाडि बढ्दै नवगायक ‘रस्मी’

धरान । विभिन्न भाषाको गितमा आवाज दिएर परिचित बनेकी गायिका रस्मी राई नेपाली सांगितिक क्षेत्रमा एक चम्किलो ताराको रुपमा उदाएकी छिन् । केही दिन अघि मात्र काठमाडौंमा सम्पन्न भएको ‘नेशनल ईन्टरटेन्मेन्ट अवार्ड २०२२’ मा ‘पपुलर आधुनिक गायिका’ विधामा उनले अवार्ड हात पारिन् । उक्त अवार्डमा उनको ‘सायद मैले सोचे जस्तै’ बोलको गित मनोनयनमा परेको थियो ।

३ दर्जनभन्दा बढी गित गाईसकेकी गायिका राई लोक, पप र आधुनिक गित उत्तिकै गाउँछिन । उनले नेपाली चलचित्र (महानायक)मा समेत स्वर दिएकी छिन् । खोटाङको जन्तेढुंगा गाउँपालिका ४ डम्बर्खुशिवालय चुम्लुङमा जन्मिएकी गायिका राईले चाम्लिङ, बान्तावा र कोयु भाषामा पनि आवाज दिएकी छिन् ।

‘एक दुई तीन भन्दै मायाको गन्ति सुरु भयो’ बोलको गित स्टुडियोमा पहिलो पटक रेकर्ड गराएकी रश्मीले खोटाङ जिल्लाको सम्पूर्ण सेरोफेरोलाई शब्दमा समावेश गरिएको दुवे धारापानी हाटैमा बोलका गीत समेत गाएकी छिन् ।