पूर्व वडाध्यक्ष लिम्बूको निधन

धरान । धरान उपमहानगरपालिका वडा नं. १० का पूर्व वडाध्यक्ष श्रीप्रसाद सुब्बाको निधन भएको छ ।

उच्च रक्तचापका विरामी रहेका लिम्बुको मंगलबार दिउँसो उपचारकै क्रममा विराटनगरको विराट नर्सिङ होममो निधन भएको पारिवारले जनाएको छ ।

परिवारका अनुसार चारदिनदेखि अत्याधिक बढेकाृ रक्तचापका कारण अस्पताल भर्ना भएका उनलाई नर्सिङ होमको सघन उपचार कक्ष (आइसियु) मा राखेर उपचार गराइएको थियो । उपचारकै क्रममा लिम्बूको निधन भएको जनाइएको छ । लिम्बूको पार्थिव शरिर धरान ल्याइएको छ भने उनको पार्थिव शरिर धरान स्थित विपि कोइराला स्वास्थ्य विज्ञान प्रतिष्ठानको शव गृहमा राखिएको छ ।

लिम्बू २०७४ सालको स्थानीय तहको निर्वाचनबाट वडा नं. १० को वडाध्यक्षमा निर्वाचित भइ एक कार्यकाल सफलतापूर्वक रुपमा विताएका थिए । नेकपा एमालेको नगर कमिटि हुदै उनी जिल्ला कमिटि सदस्य समेत रही सकेका थिए । लिम्बूका १ छोरा र ३ छोरी छन् । परिवार बाहिर भएकोले अन्त्येष्टी भएको छैन । छोरीहरु हङकङबाट आउनु पर्ने भएकोले अन्त्यष्टिको अहिले नै टुंगो भइनसकेको एमाले धरान अध्यक्ष हर्कजंग एभेङले बताए ।