_1693980289.gif "#")
धरान/ एम्स एकेडेमीले कक्षा ११ मा नयाँ भर्ना भएका विद्यार्थीहरूलाई बिहीबार अभिमुखीकरण गरेको छ ।
त्यस क्रममा व्यवस्थापन सङ्कायका संयोजक दुर्गा सुवेदीले विद्यार्थीहरूलाई कलेजका नीति–नियमबारे जानकारी गराएका थिए । उनले अध्ययनमा ध्यान केन्द्रित गरे सबैले उत्कृष्ट नतिजा ल्याउने विश्वास व्यक्त गरे । त्यस क्रममा कलेजका प्राचार्य मित्र तामाङले पनि विद्यार्थीहरूलाई कलेजबारे बताएका थिए ।
उनले कलेजले पठनपाठनसँगै अतिरिक्त क्रियाकलापमा पनि ध्यान दिने गरेको बताएका थिए । कार्यक्रममा कलेजका प्रशासक नवीन राई, आर्थिक संयोजक हेमन्त भण्डारी, विजयपुर अस्पतालका प्रबन्धक इन्दु योञ्जन, एम्सका पूर्वविद्यार्थी नवीना मग्राती र राजेश विद्रोहीले पनि विद्यार्थीलाई उत्प्रेरणा दिने मन्तव्य राखेका थिए । त्यस क्रममा कक्षा ११ का विद्यार्थीहरूलाई शैक्षिक क्यालेन्डर पनि वितरण गरिएको थियो । एम्समा कक्षा १२ मा अध्ययनरत छात्राहरूले कार्यक्रमको बीच–बीचमा नृत्य प्रस्तुत गरेका थिए ।
