धरान । धरान उपमहानगरपालिकाभित्र अव्यस्थित रुपमा बसाइएको टहरा भत्काइएको छ ।
धरान नगर.प्रहरी, ,सशस्त्र प्रहरी ,बन डिभिजनका प्रहरीहरुले धरान उपमहानगरपालिकाको वडा नं. १७ को एन्फा एकेडेमी पश्चिम् उत्तरतर्फको जग्गामा बनाएको रत्न बहादुर कटुवाल, सन्तोष राई, तिलक बहादुर बि.क.ले बनाएको टिनको जस्ताको टहरा भत्काएको हो ।
सरकारी जग्गा अतिक्रमण गरी अवैधानिक रुपमा टहरा निर्माण गरी बसोवास गरेका कारण भत्काइएको नगरपालिकाका नगरप्रहरी प्रमुख विष्णु कोइरालाले जानकारी दिए । उनका अनुसार निषेधित क्षेत्रमा बनाइएका टहरा ५ दिन भित्रमा हटाउन सूचना जारी र्दा समेत नहटाइएपछि उपमहानगरपालिकाले विहीबार हटाइएको हो । उनले भने– ‘टहरा हटाउन असार ५ गते नै तीन दिनको सूचना जारी गरिएको थियो सूचनालाई वेवास्ता गर्दै अटेर गरी टहरा नभत्काएकोले विहीबार बाध्य भएर भत्काउनु परेको हो ।’
यसैगरी धरान–५ सुन्दर बस्ती नजिकै सेउती खोला बगरमा अवैध रूपमा बनेका तीन वटा घर टहरा समेत भत्काइएको छ । सार्वजनिक तथा बनको जग्गामा बनेका तीन वटा अवैध घर टहरा विहीबार बिहान सवडिभिजन बन कार्यालय तीनकुने र धरान उपमहानगरपालिकाको नगर प्रहरीको टोलीले भत्काएका नगर प्रहरी प्रमुख कोइरालाले जानकारी दिए ।