_1693980289.gif "#")
धरान । पपछिल्लो समय प्रदेश १ को नामकरणको टुंगो लाग्न नसक्दा योे विषय झन पेचिलो बन्दै गएको । नामाकरणका विषयमा दलहरूबीच एकमत नहुँदा प्रदेशको नाम पेचिलो बन्दै हो । ७ प्रदेशमध्ये ६ प्रदेशले नाम र राजधानी पाएसँगै दबाबमा रहेको प्रदेश १ भने नाम के जुराउने भन्ने अझै अन्योलमै छ ।
प्रदेशसभाको कार्यकालको अवधि अब ४ महिना मात्र बाँकी छ । यो अवधिमा नै प्रदेश १ को नाम जुराउन यतिवेला प्रदेश १ का सांसद र सरकार कसरतमा जुटेका छन् भने पहिचानवादी विभिन्न संघसंस्था भने प्रदेश १ को नाम पहिचानको आधारमा हुनुपर्ने माग राख्दै सडक आन्दोलनमा छन् ।
तर आइतबार एक सांसदले प्रदेशको नामाकरणको विषयमा सांसदहरु घेराबन्दीमा परेको बताएका थिए ।
सभा चलिरहेकै समयमा नेकपा एमालेका सांसद सर्वध्वज साँवा सभामै ‘गुहार गुहार’ भनेर एकासी गर्जिएका थिए । प्रदेशसभाको शून्य समयमा उनले आफ्नो भनाइ राख्ने क्रममा ‘गुहार गुहार’ भन्दै शुरु गरेका थिए ।
उनको त्यो व्यवहारप्रति अन्य प्रदेश सांसदहरु आश्चर्यचकित भएका थिए । धेरै सांसदहरुले उनको त्यो क्रियाकलाप मर्यादाभन्दा बाहिर रहेको प्रतिक्रिया दिएका थिए ।
उनको अभिव्यक्तिमा बनावटी बढी देखिएको सांसदहरुले बताएका थिए । संसदमा सहभागी एक सांसदले भने ‘उहाँ बोल्दा मातृ भाषाले प्रभाव पारेको पनि थियो’‚ कति चाहिँ उहाँले बनावटी पनि गर्नुभएको हो । त्यही अभिव्यक्तिलाई सभ्य भएर पनि दिन सकिन्छ ।’
सांसद साँवाले भनेका थिए, ‘गुहार, गुहार, गुहार भन्न चाहन्छु किन कि अहिले १ नम्बर प्रदेशका हामी माननीयहरूलाई बलिको बोका पाठापाठी बनाउन आँटेको छ ।’ उनले कहिले मुख्यमन्त्री घेरामा पर्ने बताउँदै कहिले सभासद्हरू घरघरमा घेराबन्दीमा पर्ने गरेको बताए ।
उनले बाटोमा, चोकचोकमा पनि घेराबन्दी तोडेर छड्के लागेर बैठकमा आएको बताए । ‘अहिले हामी छड्के, छड्के परेर यहाँ आइपुगेका छौँ किन ?’‚ उनले प्रश्न गर्दै भने, ‘किन भन्दा प्रदेशको नामकरणलाई लिएर अहिले सडकमा आन्दोलन भइरहेका छन् । त्यसो हुनाले योबाट खतरा भयो हामीलाई बचाउनु पर्यो ।’
उनले प्रदेशको नाम कोशी राख्नुस् भन्ने धम्की आउने गरेको छ, अर्को चुनावमा आदिवासी शून्य बनाउने धम्की र अर्को समूहले किरात लिम्बुवान नराख्दा अर्को चुनावमा कोशीमा बगाउने खालका धम्कीको घेराबन्दीमा पर्ने सम्भावना देखिएको बताए ।
