धरान । सामाजिक कार्यसँगै मानव स्वास्थ्यमा उल्लेख्य भूमिका निर्वाह गरेको सेवक अभियान धरानले आठ बर्ष पूरा गरेको छ ।
सामाजिक कार्यसँगै स्वास्थ्यका लागि हाइकिङ चलाउदै आएको अभियानले आफ्नो ८ औं बार्षिकोत्सवको अवसरमा धरान ३ मा रहेको खड्गी समाजमा कार्यक्रम समेत गरेको छ ।
संस्था गठनसँगै धरान १४ विजयपुरमा आएका बोलबम भक्तजनहरुको सेवा समर्पित भई स्वयम् सेवकको काम गरेर काम शुरु गरेको संस्था गठन भने आठबर्ष अगाडि २०७२ श्रावण गते गठन भएको थियो ।
गठन भएयता समाजले धरान तथा धरान बाहिरका अनाथ,अपाङ्ग ,असहाय र आर्थिक अवस्था कमजोर भएकालाई सेवा र सहयोग गर्दै आइरहेको छ भने प्रत्येक शनिवार स्वास्थ्यका लागि हाइकिङको आयोजना गर्दै आइरहेको छ ।
कार्यक्रमको उद्घाटन धरानका मेयर हर्क साम्पाङबाट गर्ने भनिए पनि साम्पाङको अनुपस्थिति भएपछि सुनसरी उद्योग वाणिज्य संघका नवनिर्वाचित अध्यक्ष विजय श्रेष्ठले पानसमा बत्ती बालेर गरेका थिए ।
सो अवसरमा अध्यक्ष श्रेष्ठले सेवक अभियानको कार्यको प्रशंसा गरेका थिए । उनले सेवक अभियानले शिक्षा, स्वास्थ्य, पर्यटन तथा वातावरणका क्षेत्रमा धेरै काम गरेको बताए ।
संस्थाका अध्यक्ष राजीव हलुवाईले गठन भएदेखि नै शिक्षा, पर्यटन ,स्वास्थ र वातावरण लगायत विभिन्न सामाजिक गतिविधिमा काम गर्दै आएको बताएका थिए । उनले गठन भएयता गरिएका कामहरुको फेरिस्त सुनाएका थिए ।
संस्थाका सदस्य खगेन्द्र कुवँरले सञ्चालन गरेको कार्यक्रममा खड्गी समाजका अध्यक्ष मनिष खड्गी, मितेरी बैंकाका सियो तुलसीप्रसाद वस्ती, नेवाः देय दवुका केन्द्रीय उपाध्यक्ष अनिल मास्केको उपस्थिति रहेको थियो । कार्यक्रमा स्वागत मन्तव्य सेवक अभियानकी उपाध्यक्ष ममता पौडेले राखेकी थिइन् ।