_1693980289.gif "#")
धरान । धरानका मेयर हर्क साम्पाङको खानेपानी समस्या समाधानको सपना पूरा गराउन विदेशमा रहेका धरानेहरुले धमाधम सहयोग पुर्याएको छन् ।
विदेशमा रहेका धरानेहरुले धरानलाई स्वच्छ, सफा बनाउने मेयर साम्पाङको सपनालाई पुरा गराउन धमाधम डस्विन प्रदान गर्दै आएका छन् भने पछिल्लो पटक खानेपानीका लागि पाइप नै प्रदान गरेका छन् ।
धरानका १७ का किसन राई र गँगा राईले आफ्नो स्वर्गीय माता खाइसु माया राई ,पिता – किताब सिंह राई को स्मृतिमा खानेपानीको पाईप २७ थान उपलब्ध गराएका हुन् ।
मेयर साम्पाङ्गको निसाने खोलाबाट पानी ल्याउने योजनामा सहयोग पुगोस् भन्ने उद्देश्यले पाइप उपलब्ध गराएका हुन् । धरान १७ मा स्थायी बसोबास भएका र हाल यु.के राईद्वयले पठाएको रकमबाट स्थानीय शोभा राईले नगर प्रमुखलाई पाइप प्रदान गरेका हुन् । प्रदान गरिएको पाईप ३ इन्चको १ सय ७२ मिटरको रहेको छ । मेयर साम्पाङले पाईप हस्तान्तरण गर्ने सहयोगीलाई धन्यवाद दिँदै निसानेबाट अस्थायी रुपमा पानी ल्याउने योजनामा यो पाईप सहयोग पुग्ने बताए ।
उनले शुक्रबार निशनेको अवलोकन गरेर सानो योजना भएपनि धराने जन्तालाई तत्कालीन तिर्खा भेटाउन यो योजनालाई अगाडि सारेको बताए ।
