_1693980289.gif "#")
धरान । धरान उपमहानगरपालिकाका मेयर हर्क साम्पाङले धराने जनताको खानेपानी समधान गर्न अनेक प्रयास गरिरहेका छन् ।
उनले खानेपानी समस्या समाधन गर्ने हेतुले धरान ८ मा रहेको पम्पिङ साइडमा निरीक्षण गर्ने, सर्दु जलाधार क्षेत्रमा गएर पुरानो पाइप फेर्नेमात्र हैन धरान २० स्थित पकुवा खोलाबाट पानी ल्याएर वडा ११ र १७ का बासिन्दालाई खुवाउने उद्देश्यले जनश्रमदानको आवहान गरे । उनलो गरेको आवहानलाई सहयोग गर्न हातेमालो गरे । धरानको वातावरण सफा र सुन्दर राख्न हरेक शनिबार वृहत वृक्षरोपण अभियानमा लागेका उनी प्रत्येक शुक्रबार धरानलाई लागू औषधिमुक्त सहर बनाउन विभिन्न चौकमा गएर प्लेकार्डसहित सचेतना कार्यक्रम गर्ने गर्छन् ।
पािछल्लो समय मेयर साम्पाङले धरानको खानेपानीको मुहान क्षेत्र सर्दु र खर्दु खोलामा मिनि हाइड्रो प्रोजेक्ट शुरु गरेर बिजुली निकाल्ने योजना अघि सारेका छन् । उनी असार २८ गत सर्दु जलाधार क्षेत्रमा धरान ८ तीनकुनेमा रहेको पूर्वाञ्चल इन्जिनियरिङ कलेमा मेकानिकल चौथो बर्षका विद्यार्थीहरुसहित मुहान क्षेत्रमा पुगेका थिए । उनले भने–‘गर्न सक्दा सम्भावना धेरै छ जस्तो लाग्छ, त्यही भएर सम्भाव्यता अध्ययनका लागि म विद्यार्थीसँग आएको हुँ ।’
