_1693980289.gif "#")
धरान । विद्यालयस्तरबाट वातावरण संरक्षण गर्ने अभियान अनुरुप धरानको कलेज र जोइन्ट बाइकबीच सम्झौता भएको छ ।
धरान उपमहनगरपालिकाका मेयर हर्क साम्पाङको समुपस्थितिमा प्राइम भिजन इन्टरनेसनल हस्पिटालिटी म्यानेजमेन्ट कलेज र जोइण्ट बाइक धरानबीच दैनिक रुपमा साइकलको प्रयोग गर्न विद्यार्थीलाई प्रोत्साहन गर्ने सम्झौता भएको हो ।सम्झौतामा प्राइम भिजन कलेजका तर्फबाट कलेजका सिइओ अभिषेक श्रेष्ठ र जोइण्ट बाइकका तर्फबाट धरान डिलर कृष्ण केसीले संयुक्त रुपमा हस्ताक्षर गरेका छन् l
सम्झौतामा प्राइम भिजनमा अध्यनरत विद्यार्थीले प्रयोग गर्ने साइकल खरिद र साइकल ममर्तमा छुट र वार्षिक रुपमा मर्मतहरुमा बिशेष छुटको व्यवस्था गर्ने सम्झौता गरिएको कलेजका निर्देशक अनिल श्रेष्ठले जानकारी दिए ।
मेयर साम्पाङ्गले आह्वान गरेको ५ हजार वृक्ष रोपण अभियान अन्तर्गत शनिबार धरान १४ स्थित विजयपुरको पन्चकन्या मन्दिर परिसरमा भएको कार्यक्रममा प्राइम भिजनका बिद्यार्थी तथा शिक्षकहरु र अन्य धराने जनताको उपस्थितिमा कलेज द्वारा २ थान फोहोर राख्ने डस्विन समेत मेयर साम्पाङ्गलाई प्रदान गरिएको थियो ।
