क्रियाशिल महिला पत्रकारलाई तालिम

धरान । क्रियाशील महिला पत्रकारहरुको क्षमता अभिवृद्धिका लागि धरानमा ३ दिने पत्रकारिता तालिम मंगलबार देखि सुरु भएको छ ।

क्रियाशील महिला पत्रकार संघ सुनसरीको आयोजनामा ३ दिने तालिमको आयोजना गरेको हो । धरान, इटहरी, झुम्का र इनरुवाका ३० जना महिला पत्रकारहरुको सहभागी रहेको छ । तालिम प्रदेश १ संसद विकास कोषको सहकार्य र दिब्यरोशनी साप्ताहिकको सह– आयोजकमा संचालन भएको हो ।

घरको चुलो चौकाको काम जिम्मेवारी सम्हालेर पत्रकारीतामा काम गरिरहेका महिलाहरुलाई अझ उत्प्रेरणा र हौसला मिलोस भनेर तालिमको आयोजान गरेको संघकी अध्यक्ष मनिता चाम्लिङले बताईन् । तालिमको उदघाटन प्रदेश एककी समानुपातिक संसद सावित्रा जोशि श्रेष्ठले गरेकी थिईन् । कार्यक्रममा संघकी प्रदेश १ का अध्यक्ष तथा संस्थापक गंगा बराल, नेपाल पत्रकार माहासंघका सुनसरीका अध्यक्ष जनक ऋषि राई, झिलको रिपोर्टिङका प्रधान सम्पादक भवानी बराल, महासंघका केन्द्रीय सदस्य भिषण राई लगाएको उपस्थिती रहेको थियो ।

तालिमको सहजीकरण विपि कोइराला स्वास्थ्य विज्ञान प्रतिष्ठान धरानका बरिष्ठ मनो स्वास्थ्य परामर्श डाक्टर मधु बस्नेत, झिलको रिपोर्टिङका प्रधान सम्पादक भवानी बराल र नेपाल पत्रकार महासंघका केन्द्रीय सदस्य भीषण राईले गरेका छन् ।