_1693980289.gif "#")
धरान । वैसाख ३० गते आसन्न स् स्थानीय तह निर्वाचन तोकिएकै मितिमा हुने निर्वाचन आयोगका प्रमुख आयुक्त दिनेश थपेलियाले बताएका छन् ।
उनले तयारी त्रिब रुपमा अगाडि बढेको बताउदै अब निर्वाचन स्थगित गर्न नमिल्न बताए ।
दलका नेता तथा सर्वसाधारणहरुले निर्वाचन स्थगित हुने हो कि भन्ने आशंका उब्जाइरहेको बेला थपलियाले भने स्थानीय निर्वाचन अब नरोकिने, तोकिएकै समयमा हुने बताए । उनले भने–‘निर्वाचन तोकिएकै समयमा हुन्छ, तयारी रफ्तारमा भएको छ कुनै हालतमा रोकिदैन ।’
निर्वाचन आयोगले विराटनगरमा आयोजना गरेको कार्यक्रममा बोल्दै उनले निर्वाचन तयारीको तयारी तिब्र रुपमा अगाडि बढेकोले स्थानीय निर्वाचन नहुने कसैले आशंका नगर्न आग्रह समेत गरे ।
उनले भने‘ सवारी साधन गन्तव्यमा पुग्न दौडिइसक्यो, दौडिएको सवारी साधन अव रोकिदैन, गन्तव्यमा पुगेर मात्र रोकिन्छ ।’
