_1693980289.gif "#")
धरान । नमूना कलेज इटहरीले प्राध्यापक तथा विद्यार्थीको लेख समेटिएको ‘नमुना स्मारीका’ विमोचन गरेको छ ।
मंगलबार एक कार्यक्रमका बिच त्रिभुवन विश्वविद्यालय व्यवस्थापन संकायका डिन प्राध्यापक डाक्टर डिल्लीराज शर्माको प्रमुख आतिथ्यमा नमुना कलेजको स्मारिका विमोचन गरिएको हो । विमोचन सँगै व्यवस्थापन संकायका विद्यार्थीलाई अभिभुखिकरण पनि प्रदान गरेको छ । कलेजको स्मारीकामा विभिन्न संकायका बारेमा चर्चा गर्दै वर्तमान वजारमा यसको महत्व र सम्भाव्यताका बारेमा लेख प्रकाशन भएका छन् । यसका साथै विद्यार्थीका कथा, कविता पनि यो स्मारीकामा समावेश गरिएको छ । स्मारीका माथि समिक्षा गर्दै प्राध्यापक दिवस राईले प्राध्यापकका तर्फबाट लेखिएका लेखबाट विद्यार्थीलाई भिन्न भिन्न संकायको महत्व र उपयोगिताबारे जानकारी प्राप्त हुने उल्लेख गरे ।
प्रमुख अतिथि शर्माले आगामी दिनमा पनि स्मारीका प्रकाशनले निरन्तरता पाउने विश्वास लिएको बताए । अहिले शिक्षित जनशक्ति विदेश पलायन भइरहेको भन्दै त्यसलाई नेपालमा नै रोक्न र त्यसको लागि आवश्यक अवसर सिर्जना गर्न लागिपर्नुपर्ने उनले जोड दिए । व्यवस्थापन संकाय पढेका विद्यार्थीहरू अहिले स्तरीय रोजगारी र पारिश्रमिकका लागि विदेशिने क्रम बढेकाले त्यसलाई रोक्न देशमा नै होटल तथा व्यवसाय विस्तारमा जोड दिनुपर्ने उनले बताए ।
यही चैत्र महिना भित्र कलेजले खोजमूलक जर्नल पनि प्रकाशन गर्ने जानकारी दिएको छ । कार्यक्रममा त्रिभुवन विश्व विद्यालय व्यवस्थापन संकायका सहायक डिन दिनेशमणि घिमिरे, साहित्यकारद्वय बद्री भिखारी र मनु मज्जिल, प्राध्यापक उमेश भण्डारी तथा पत्रकार विराट अनुपमको पनि उपस्थिति रहेको थियो ।
