सामाजिक काममा अग्रसर बन्दै ‘एक्टिभ युथ अफ पञ्चायन’ "युवाहरु सामाजिक कार्यमा सक्रिय"

धरान । पछिल्लो समय युवाहरु सामाजिक कार्यमा सक्रिय हुन थालेका छन् । युवाहरु विभिन्न समूह बनाई यसरी सामाजिक कार्यक्रममा अग्रसर हुन थालेका हुन् ।

यस्तै सामाजिक कार्यमा सक्रिय रामधुनी नगरपालिका वडा नं. ७ का युवाहरुले एक बर्ष अगाडि ‘एक्टिव युथ अफ पञ्चायन’ नामक सामाजिक संस्था गठन गरेर सामाजिक कार्यमा सक्रिय हुन थालेका छन् ।

संस्थाले एक बर्षकै अवधिमा उल्लेखनीय काम गरेको छ । सक्रिय युवाहरुको समूह एक्टिभ युथ अफ पञ्चायनले अघिल्लो बर्ष युवाहरुलाई लक्षित गरी जनचेतनामुलक कार्यक्रम, रक्तदान कार्यक्रम, विद्यालयका विद्यार्थीहरुलाई शैक्षिक सामाग्री वितरण लगायतका कार्यक्रमको आयोजना गर्दै आएको थियो ।

‘सेवा नै धर्म’ भन्ने मूल मर्म बोकेको यो संस्थाले पछिल्लो समय कोभिड महामारीका समयमा अस्पतालहरुमा रगत अभाव भइरहेको अवस्थामा थोरै भए पनि रगतको परपूर्ति गर्ने उद्देश्यले मंगलबार रामधुनी ७ पञ्चायनमा रक्तदान समेत गरेको छ ।

रक्तदान कार्यक्रममा ३८ पिन्ट रगत संकलन भएको छ । नेपाल रेडक्रस सोसाइटीको रत्तः सञ्चार केन्द्रको प्राविधिक सहयोगमा युवाहरुले रगत संकलन गरिएो ‘एक्टिभ युथ अफ पञ्चायन’ का अध्यक्ष गोविन्द लामिछानेले बताए । उनल भने–‘युवाहरुले पनि समाजमा केही गर्नुपर्छ भन्ने अभिप्रायले संस्था गठन गरेर सामाजिक कार्यमा सक्रिय भएका छौ, युवावर्ग सही बाटोमा लाग्न यो संस्थाले प्रोत्साहन गरेको छ ।’ संथाका सदस्य ओमबहादुर खड्काको संयोजकत्वमा भएको कार्यक्रममा वडाध्यक्ष केशव गौतम प्रमुख अतिथि थिए ।