रंगेली/ समयमै पुल निर्माण नुहँदा मोरङको रंगेली कानेपोखरी सडक खन्ड अन्तर्गत कानेपोखरी गाउँ पालिका २ स्थित गेउरीया पुल दुर्घटनाको जोखिम क्षेत्र बनेको छ ।
बर्षाेदेखि ठेक्केदारको लापरबाहीका कारण समयमै पुल निर्माण कार्य सम्पन्न नहुँदा गेउरीया पुलमा पटकपटक दुर्घटना हुदै आईरहेको छ । एक बर्षको अबधिमा पुलमा एक दर्जन भन्दा बढी मोटरसाईकल दुर्घटना हुनुको साथै एक जनाले ज्यान समेत गुमाई सकेका छन् ।
केही दिन अघि राति कानेपोखरी स्थित कालिस्थान नजिकै आगलागी हुँदा रंगेलीबाट आगो निभाउन जादै गरेको दमकलनै पल्टिएको थियो । पुलमा मोटरसाईकललाई साईड दिने क्रममा दकमल पल्टिएको थियोे । पटक पटक दुर्घटना हुँदा समेत ठेक्केदार कम्पनीलाई कुनै निकायले कार्वाही नगरेको भन्दै स्थानीयहरु आक्रोशित बनेका छन् । गत माघ ६ गते जिल्ला प्रशासन कार्यालय बिराटनगरमा स्थानीय राजेन्द्र कुमार मण्डल(अविनाश) र अर्जुन कुमार आचार्यले ठेकेदार कम्पनीलाई कारवाहीको माग गर्दै निवेदन बुझाएका थिए ।
दर्बेसा र केराउन जोड्ने गेउरिया खोलाको पुल निर्माणका लागि आर्थिक वर्ष २०७०÷०७१ मा ठेक्का लागेको थियो । पुल निर्माणको ठेक्का फिचर एन्ड सराउद्धिन जेवि भुटाहा सुनसरीले पाएको थियो । सम्झौता अनुसार २ वर्षभित्र पुल निर्माण गरिसक्ने भनिए पनि ७ वर्ष वितिसक्दा पनि सम्पन्न हुन सकेको छैन् ।
पुल नहुँदा स्थानीयलाई आवतजावतमा समस्या हुनुका साथै दैनिक दुर्घटना हुने गरेको छ । सम्झौता अनुसार पुल निर्माणमा भइरहेको ढिलाई बाट भएको स्थानीयको क्षतिको जिम्मेवारी कसले लिने ? भन्दै स्थानीयले प्रमुख जिल्ला अधिकारीको ध्यानाकर्षण गराएका छन् । आवश्यक छानविन गरी दोषि उपर कारबाही गर्न तथा छिटोभन्दा छिटो पुल निर्माणको लागि पहल गरिदिन उनीहरुले माग गरेका छन् ।
बिगत ८ बर्ष देखि अलपत्र बनेको पुल तीन महिना अघि काम पुनः शुरु भएको थियो । पुलको दुवै साईडमा पिलर उठाएर छाडीएको छ । रातको समयमा पिलरमा ठोकिएर एक जनाएको ज्यान समेत गईसकेको स्थानीय बताउँछन् । १५ मिटर लम्बाईको पुल निर्माण गर्ने १ करोड १८ लाख रुपैयाँमा ठेक्का लागेको थियो । ठेकेदार कम्पनीले ५७ लाख रुपैयाँ समेत भुक्तानी लगिसकेको ।