_1693980289.gif "#")
इलाम/ प्रदेश १ का मुख्यमंन्त्री राजेन्द्र कुमार राईले आर्थिक क्रान्तिलाई सफल बनाउन पर्यटन प्रवद्र्धन आवश्यक भएको बताएका छन । इलामको माई नगरपालिका १ को विहिबारेमा प्रथम १३ कुने सिमसार महोत्सव २०७८ को उद्घाटन गर्दै मुख्यमंत्री राईले सीमसार क्षेत्रको विकासमा प्रदेश सरकारले उचित ध्यान पुर्याउने बताएका हुन ।
उनले प्रदेशमा रहेका पर्यटकीय क्षेत्रको असली रुप संरक्षण गरेमा मात्र पर्यटन क्षेत्रको विकासमा टेवा पुग्ने बताए । विकास पर्यटन प्रवर्दनबाटै प्रदेश १ लाई आर्थिक समृद्घिमा अघिबढाउन सकिने भन्दै राईले पर्यटन क्षेत्रको संरक्षणमा लाग्ने बताए ।
तीनदिन लाग्ने महोत्सवको प्रदेश सभा सदस्य काजीमान कागतेले १३ कुने सीमसार क्षेत्रको विकासमा विस्तृत परियोजना अनुरुप अगाडि बढ्नुपर्ने सुझाव दिए ।
११ गतेसम्म संचालन हुने महोतसव चुरे क्षेत्रमा रहेका १३ कुने सीमसार क्षेत्रको प्रचार प्रसार गर्ने उदेश्यले आयोजना गरिएको बताईएको छ । महोत्सवमा विभिन्न साँस्कृतिक, कार्यक्रम , खुल्ला भलिवल प्रतियोगिता संचालन हुने भएको छ । करिव सय रोपनी क्षेत्रमा फैलिएको सीमसार क्षेत्रमा रहेको पोखरीमा डुंगा चड्ने व्यवस्था रहेको छ ।
