प्रदेश १ का मुख्यमन्त्रीको आर्थिक सल्लाहकारमा राउत नियुक्त

धरान /  प्रदेश १ का मुख्यमन्त्री राजेन्द्रकुमार राईले आफ्नो आर्थिक सल्लाहकारमा विराटनगरका उद्योगी एवं समाजसेवी राजेन्द्र राउतलाई नियुक्त गरेका छन् ।

नेपाल उद्योग बाणिज्य महासंघको केन्द्रीय सदस्य तथा प्रदेश १ का उपाध्यक्षसमेत रहेका राउतलाई मुख्यमन्त्री राईले बुधबार आफ्नो आर्थिक सल्लाहकारमा नियुक्ति गरेका हुन् । सल्लाहकार राउतले आफू कुनै पनि राजनीतिक दल नजिक नभएको दाबी गर्दै आएका छन् ।

आर्थिक सल्लाहकार नियुक्त भएका राउतले प्रदेश १ को आर्थिक विकासका लागि मुख्यमन्त्री राईसँगको परामर्शमा आफूले सकेको साथदिने प्रतिवद्धता जनाए । उनले प्रदेश १ मा जलविद्युत र कृषिका लागि ठूलो सम्भावना रहेको भन्दै त्यस क्षेत्रमा लगानी बृद्धि गर्न र देखिएका समस्याहरु समाधान गर्न सरकारलाई आवश्यक सहयोग गर्ने बताए