बसको ठक्करबाट १ जनाको मृत्यु १ घाईते

झापा/  झापाको कमल गाउँपालिका–५ स्थित पुर्व पश्चिम राजमार्गमा दुर्घटना हुदाँ १ जनाको मृत्यु भएको छ भने १ जना घाइते भएका छन् । बस र मोटरसाईकल आपसमा ठोक्दिा मोटरसाइकल चालक बराहक्षेत्र १० का २२ वर्षीय अभिषेक यादव को मृत्यु भएको हो ।

हिजो (बुधबार)बेलुकी पौने पाँच बजे पुर्वतर्फ जाँदै गरेको नम्वरको बसले बिपरित दिशाबाट आउदै गरको प्र.१.०२.०४८ प ३०८९ नम्वरको मोटरसाईकललाई ठक्कर दिएको थियो ।

ठक्करबाट घाईते भएका यादव र सोही स्थानका २५ बर्षिय राम कुमार खड्काको लाइफ लाइन अस्पताल दमकमा उपचार भईरहेकोमा यादवको उपचारको क्रममा मृत्यु भएको हो । ठक्कर दिने बस र चालक झापा दमक नगरपालिका–२ का सोम बहादुर गुरुङलाई इलाका प्रहरी कार्यालय दमकले नियन्त्रणमा लिई अनुसन्ध गरिरहेको छ ।