रंगेली बिद्युत प्राधिकरणको लापरबाही

रंगेली । विगत दुई महिना देखि विभिन्न प्रजातीका लहराले ११ हजार भोल्ट रहेको ट्रान्सफर्मर घेरिदा समेत नेपाल बिद्युत प्राधिकरण रंगेलीले सफाइ नगर्दा दुर्घटनाको जोखिम बढेको छ ।

रंगेली नगरपालिका ७ स्थित खानेपानी जाने बाटोमा पर्ने ११ हजार भोल्ट रहेको ट्रान्सर्फमर बिगत दुई महिना देखि लहराहरु झेलिएको छ । ट्रान्सर्फमरनै छोपि सक्दा समेत प्राधिकरण मुखदर्शक बनिरहेको छ ।

ट्रान्सर्फमर चारैतिरबाट हरियो लहराले घेरिएका कारण जुनसुकै बेलामा पनि ठुलो दुर्घटना हुने अवश्था रहेको छ । प्राधिकरणले मेनलाईनका तारहरुले घर, रुख छुईसक्दा पनि सफाइ नगरेको स्थानीय राजेश आचार्यले बताए ।

प्राधिकरणको लापरबाहीले गाउँ घरमा केटाकेटी देखि बृद्धहरु समेत बारीमा काम गर्ने बेलामा दुर्घटना हुने सम्भावना रहेको आचार्यले बताए । विभिन्न समयमा प्राधिकरणले सुचान प्रकाशित गरेर बुस्टिङ गर्दे आईरहेता पनि रुखको हाँगाहरु नकाटिदिदा समस्या परेको छ । कुनै पनि समयमा करेन्ट लागेर मानिसको अकालमै ज्यान जान सक्ने स्थानीयको गुनासो छ ।