‘मिस स्टेट’ बन्न सफल आफ्नी विद्यार्थीलाई मेघाद्वारा सम्मान

धरान/  ‘मिस स्टेट १’ को उपाधि हात पार्न सफल आप्mनी छात्रा श्वेता भुजेललाई धरान मेघा कलेजले सोमबार सम्मान गरेको छ ।
कलेजले उनलाई कलेज परिसरमै औपचारिक कार्यक्रम आयोजना गरेर खदा र अबिर लगाउँदै सम्मान–पत्र प्रदान गरेको थियो ।

भुजेल मेघा कलेजमा बीबीएस दोस्रो वर्षमा अध्ययनरत् छिन् । आफ्नो विद्यार्थी मिस स्टेटको उपाधि जित्न सफल हुँदा आपूmलाई खुसी लागेको कलेजका प्राचार्य भाष्कर पौडेलले बताए । उनले उपाधि विजेतालाई बधाई तथा शुभकामना दिँदै अन्य विद्यार्थीलाई पनि पढाइसँगै आप्mनो प्रतिभा भएको अतिरिक्त क्षेत्रमा समेत सहभागी हुन आग्रह गरे ।

त्यस क्रममा कलेजका प्रशासनिक प्रमुख कैलाश लिम्बूले विद्यार्थीहरूले आफ्नो प्रतिभालाई खुम्च्याएर राख्न नहुने धारणा राखे । विद्यार्थीले रुचि राखेको क्ष्ाँत्रमा अघि बढाउन कलेजले सक्दो सहयोग गर्ने उनको भनाइ छ । कलेजका बीबीएस संयोजक चन्द्र वनेमले सञ्चालन गरेको कार्यक्रममा मिस स्टेटकी उपाधि विजेता छात्रा श्वेता र उनका बुबा चित्रबहादुर भुजेलले पनि बोलेका थिए । त्यस क्रममा श्वेताले परिवार र कलेजले राम्रो वातावरण बनाइदिएकै कारण आपूm उपाधि जित्न सफल भएको धारणा राखिन् ।

श्वेताका बुबाले छोरीको सफलताबाट आपूm खुसी भएको बताउँदै यसका लागि वातावरण बनाइदिएकोमा कलेज परिवारलाई धन्यवाद दिए । बीबीएस संयोजक वनेमले पढाइसँगै अतिरिक्त क्रियाकलापमा समेत अघि बढ्न कलेजले विद्यार्थीहरूलाई अवसर प्रदान गर्ने गरेको बताए । उनले श्वेता सहयोगी र मानवीय भावना बोकेकी विद्यार्थी भएको जनाए ।

पूर्वाञ्चल बागिना कला केन्द्रले आयोजना गरेको ‘मिस स्टेट १’ को तेस्रो शृङ्खलाअन्तर्गत शनिबार सम्पन्न आन्तिम प्रतिस्पर्धामा सबै प्रतियोगीलाई पछि पार्दै श्वेताले उपाधि हात पारेकी हुन् ।