एजन्सी/ नोबल शान्ति पुरस्कार बिजेता म्यानमारकी प्रजतन्त्रवादी नेतृ आङ सान सुकीलाई चार वर्षको जेल सजाय सुनाइएको छ ।
गत फेब्रुअरीमा म्यानमारका सेनाले जननविर्चाचित सरकारलाई अपदस्त गरी नियन्त्रणमा लिएको सुकीलाई ४ चार वर्षको जेल सजाए सुनाइएको समाचार संस्था एएफपीले जनाएको छ ।
सोमबार एक अदालतले सुकीलाई सेनाविरूद्ध नागरिकलाई भड्काएको, कोभिड–१९ रोकथामका मापदण्ड उल्लंघन गरेको आरोपमा दोषी ठहर गर्दै जेल सजाय सुनाएको हो ।
उनीमाथि सेनाले भ्रष्टाचार गरेको, गैरकानुनी रूपमा वाकीटकी राखेकोलगायत धेरै आरोप लगाएको छ।
सैनिक कूभन्दा केही महिनाअघि गत वर्षको नोभेम्बरमा भएको आम निर्वाचनमा धाँधली भएको भन्दै सेनाले आफूले निष्पक्ष चुनाव गराउने बताएको थियो। उक्त चुनावमा सुकीको नेसनल लिग फर डेमोक्रेसी (एनएलडी)ले बहुमत ल्याएको थियो ।
