पार्टीको महाधिवेशन चलिरहँदा भीम आचार्य आइसोलेसनमा

धरान/ पार्टीको १० औं महाधिवेशन चलिरहेको बेला एमालेकै प्रभावशाली नेता भीम आचार्य भने होटल आइसोलेसनमा बसेका छन् ।
महाधिवेशनका लागि चितवन पुगेका आचार्यलाई कोरोना संक्रमण पुष्टि भएसगै त्यहाँ स्थित होटल सेभन स्टारमै आइसोलेशनमा बसेका हुन् ।

आचार्यका स्कीय सचिव अनिल राजधामीले काठमाण्डौंबाट सञ्चालित सेतोपाटीडटकम सग कुरा गर्दै उनलाई कोरोना संक्रमण भएको पुष्टि गरेका हुन् ।

नेकपा एमालेका प्रभावशाली नेताका रुपमा रहेका आचार्य ९ औं माहधिवेशनमा सचिव पदमा निर्वाचित भएका थिए । १० औं महाधिवेशनमा समेत पदाधिकारीको आकांक्षीका रुपमा हेरिएका उनले अहिले सम्म कुनै पदमा आफ्नो दाबेदारी प्रस्तुत गरेका छैनन् । उनि प्रदेश नं. १ का निवर्तमान मुख्यमन्त्री समेत रहेका छन् ।