‘कात्तिक १७ गते प्रदेश १ मा नयाँ सरकार’

विराटनगर । नेकपा (एस )का नेता तथा प्रदेश १ संसदीय दलका नेता राजेन्द्र राईले यही कात्तिक १७ गतेसम्म प्रदेश सरकार गठन हुने बताएका छन् ।
पार्टीले आज विराटनगरमा आयोजित शुभकामना आदानप्रदान कार्यक्रममा राईले भने,‘हामी गठबन्धनसंग ५० जना सांसद छन् । तर एमाले छलछाम गर्न खोजिरहेको छ । त्यो सफल हुंदैन । १५ गते प्रदेशसभामा विश्वासको मत सम्बन्धी प्रस्तावमा विभाजन हुनेछ ।’ उनले असोज ८ गते नै भीम आचार्यले नेतृत्व गरेको सरकारको ३० दिन पुगिसकेको तर असंवैधानिक ढंगले चलेको बताए ।

‘संपति हस्तान्तरण गरे जसरी एमालेले सरकार फेर्यो । संविधान मिचेर सरकार बसिरहेको छ । तर हाम्रो संख्या घटेको छैन्’ राईले भने, ‘प्रदेश १ र वागमती नेकपा (एस) लाई दिने सहमति छ, कांग्रेले के गर्ला भन्ने थियो । तर महाधिवेशन । १७ गते आदि कारणले ७ गतेको सदन स्थगित भएको हो ।’ उनले करिब करिब आफ्नो नेतृत्वमा सरकार बन्ने र गठबंधन दल सबै साथै रहेको सुनाए ।
राईले माधव नेपालले पार्टी खत्तम गरे भन्नेलाई जवाफ दिनुपर्ने र नौलो जनवादी क्रान्ति संघर्षमा नेपाल सफल भएको सुनाए ।