धरान । रयाडिकल लाईट नेपाल प्रालीले आयोजना गरेको ‘एसइइ स्पिकर धरान–२०७८’मा पहिलो चरणबाट छनौट भएका विद्यार्थीहरुको बन्द प्रशिक्षण बुधबारबाट सुरु भएको छ । बुधबार विषय बस्तुको खोज र आत्माविश्वास सम्बन्धि प्रशिक्षण दिइएको छ ।
धरान–१६ स्थित सियोन स्कुलको हलमा भएको कार्यक्रममा विद्यार्थीहरुलाई बक्तृत्वकला मा प्राप्त विषयबस्तु को अध्ययन तथा स्रोतको खोजी,आत्मा विश्वास र तथा प्रतियोगितामा मुल्याङकन हुने विषय बस्तुको बारेमा जानकारी दिइएको रयाडिकल लाईट नेपालका निर्देशक तिर्थ कार्किले जानकारी दिए । सहभागि विद्यार्थीहरुलाई विपी जयन्तीको अवसर पारेर विपी पार्कको अवोलोकन गराउनका साथै धरान–१३ स्थित फुस्रेमा निर्माण गरिएको ऐतिहासिक महत्वका सम्पदाहरुको पनि भ्रमण गराईको कार्किले बताए ।
विद्यार्थीहरुलाई कोशीपत्र दैनिकका सम्पादक राजेश विद्रोही,कोशीपत्र दैनिकका निर्देशक तथा पत्रकार योगेशबाबु काफ्ले,सञ्चारकर्मि जिवन विष्ट ले सहजिकरण गरेका थिए ।सियोन स्कलका निर्देशक खड्गबहादुर थापामगरले विद्यार्थीहरुको सहभागिता,र उनीहरुको उत्सुक्ताले आगामी पुस्तालाई प्रेरणा मिल्ने बताए ।कार्यक्रममा सियोन स्कुलका प्रिन्सीपल संजिब बान्तावाको पनि उपस्थिती रहेको थियो ।
