धरान । जग्गाको सिमाना विवादमा दाजुलाई पेस्तोल देखाउने भाईलाई प्रहरीले पक्राउ गरेको छ ।
सुनसरीको कोशी गाउँपालिका ५ का विद्यानन्द यादवलाई पेस्तोल देखाएर धम्काउने उनकै भाई इन्द्रदेव यादवलाई प्रहरीले पक्राउ गरेको हो ।
जग्गाको सिमाना विवादमा इन्द्रदेवले पेस्तोल देखाएको भन्दै विद्यानन्दले प्रहरीमा उजुरी गरेका थिए । इलाका प्रहरी कार्यालय लौकहीको टोलिले एक राउण्ड गोलि सहित कटुवा पेस्तोल बरामद गरेको छ ।
विद्यानन्दको घर देखि अन्दाजी ३ सय मिटर पुर्वमा रहेको एक रुखको फेदमा प्लाष्टिकले बेरेर राखेको अवश्थामा पेस्तोल फेला पारेको थियो । उनीहरु दुवै जनालाई हातहतियार खरखजाना सम्बन्धि मुद्धा दर्ता गरि अनुसन्धान भइरहेको प्रहरीले जनाएको छ ।