_1611147491.gif "#")
धनकुटा । धनकुटा स्थित महालक्ष्मी नगरपालीका ९ मुर्तिढुङगाका युवा चेतबहादुर भण्डारीले आफ्नो ३२ औ जन्मदिन मुलघाट स्थित विश्रान्ति मन्दिरमा रहेको बृद्धाआश्रममा मनाएका छन् ।
शुक्रबार आफ्नो जन्मदीनको अवसर पारेर उनले मुलघाट स्थित आश्रममा खाद्यन्न ,खाजा तथा आर्थिक सहयोग गरेर मनाएका हुन । मन्दिर ब्यबस्थापन समितीले भण्डारीलाई जन्मदीनको अवसर पारेर गर्नु भएको सहयोग प्रति आभारी प्रकट गरेको छ । आश्रमको विकासका लागि गर्नु भएको सहयोगले आफुहरुको अभियानलाई सहयोग पुगेको आश्रमले जनाएको छ ।
भण्डारीले समाजमा जन्मदिन मनाउने नाममा बढ्दै गएको भड्कीलो संस्कारलाई आफ्नो तर्फबाट निरुत्साहित गर्न आश्रममा मनाउने निर्णय गरेको बताए ।
जन्मदिनलाई आधुनिक र खर्चिलो हैन समाजका लागि सर्मपित गर्नु पर्छ भन्ने भावले आफु आश्रममा आएको उनले बताए ।भण्डारी मुर्तिढुङगाका युवा किसान तथा ग्रामिण पर्यटन विकासका लागि खड्दै आएका अभियान्तापनि हुन्।
