_1611147491.gif "#")
सुनसरी । मोरङ सुनवर्सी नगरपालिका ८ विश्वकर्मा चौकमा लागूऔषध ब्राउन सुगर सहित फरक फरक समयमा प्रहरीले ५ जनालाई पक्राउ गरेको छ ।
सोमबार साँझ प्रहरी चौकी झपडतलबाट खटिएको प्रहरी टोलिले फरक फरक समयमा उनीहरुलाई एकै ठाउँबाट पक्राउ गरेको हो । साँझ ७ बजे पक्राउ पर्नेहरुमा सुनसरी ईटहरी ७ का ३५ बर्षीय सुजन भन्ने ललित चौधरी, मोरङ कानेपोखरी ७ का २० बर्षीय महेश चौधरी र १९ बर्षीय भत्तेल भन्ने समिर चौधरी रहेका छन् ।
राती ९ बजे पक्राउ पर्नेहरुमा मोरङ पथरी शनिश्चरे नगरपालिका ४ का २५ बर्षीय प्रकाश लिम्बु र २० बर्षीय बिमल तामाङ रहेका छन् ।
बेलुका साढे ७ बजे प्रहरी चौकी झपडतलबाट खटिएको प्रहरी टोलीले दक्षिणबाट आउदै गरेको तिन जना सवार रहेको प्र।न।१–०२–०४५ प ३९७३ नम्बरको मोटरसाईकल रोकी चेकजाँच गर्दा उनिहरुको साथबाट १४ ग्राम लागूऔषध ब्राउन सुगर फेला पारी मोटरसाईकल सहित पक्राउ गरेको हो ।
त्यसै गरि राती ९ बजे प्रहरी चौकी सिक्टीबाट खटिएको प्रहरी टोलीले दक्षिणबाट आउदै गरेको को ४ प ९१८० नम्वरको मोटरसाईकलमा सवारी उनिहरुको साथबाट डाइजेलाब १० पिस, फेनारगन १० पिस, आइपिइएल १० पिस र ट्रमोल २०० ट्याब्लेट फेला पारी मोटरसाईकल सहित पक्राउ गरिएको हो । पक्राउ परेका ५ जना उपर ईलाका प्रहरी कार्यालय रंगेलीमा लगि थप अनुन्धान भईरहेको प्रहरीले जनाएको छ ।
