_1693980289.gif "#")
विराटनगर । जिल्ला प्रशासन कार्यालय मोरङले विराटनगरमा निषेधाज्ञाका प्रावधान केही खुकुलो गरी आजबाट मध्यान्न १२ बजेसम्म बजार खोल्न दिएको छ ।
मंगलबार बिहानबाट असार १४ गतेसम्मका लागि थपिएको निषेधाज्ञाको अवधिमा सबै पसल खुला गर्न दिने निर्णय भएको हो ।
मोरङका प्रमुख जिल्ला अधिकारी कोषहरि निरौलाले निषेधाज्ञा थप भएको र आजबाट दिउँसो १२ बजेसम्म सबै पसल खुला गर्न दिने निर्णय भएको बताएका छन् । विराटनगरमा बिहानैदेखि सबै प्रकारका पसल खुला रहेका छन् । दैनिक कोरोना संक्रमितको संख्या पचास हाराहारी र कहिले त्यो भन्दा कम आउन थालेको छ । तर, महानगरपालिका भित्र सक्रिय संक्रमितको संख्या भने ९ हजार भन्दा धेरै छ ।
प्रशासनले यसअघि अतिआवश्यक पसल र पुस्तक पसल बिहान ११ बजेसम्मका खुल्न दिएको थियो । प्रशासनले स्वास्थ्य सावधानी अपनाउन र हेलच्क्र्याईं नगर्न सूचित गरेको छ ।
