सुनसरी । दलित समुदाय भनि कोठा नदिने घरबेटीलाई प्रहरीले पक्राउ गरेको छ । सञ्चारकर्मी रुपा सुनारलाई सानो जात भनि कोठा नदिने काठमाण्डौं महानगरपालिका वडा नम्बर ११ की सरस्वती प्रधानलाई महानगरीय प्रहरी वृत्त सिंहदरबारले प्रक्राउ गरेको हो ।
प्रधानले कोठा भाडामा दिने मन्जुर भइसकेपछि पनि अन्तिममा दलित भन्ने थाहा पाएपछि भाडामा दिन अस्वीकार गरेकी थिईन् । रूपाले आफूमाथि जातीय विभेद भएको भन्दै गत बिहीबार प्रहरी वृत्तमा जाहेरी दिएकी थिइन् । प्रहरीले घरबेटीविरुद्ध जातीय भेदभाव तथा छुवाछूत मुद्दाको दफा ४ को उपदफा ३ बमोजिम जाहेरी दर्ता गरेको थियो ।
भाडाको कुरा गरेपछि जातको कुरा आउँदा रूपाले घरबेटीलाई आफू कामीकी छोरी हुँ भने पछी घरबेटीले कोठा इन्कार गर्नु भएको थियो । सुनार इमेज टेलिभिजनमा कार्यरत छिन् ।
