असारको दोस्रो साताबाट ब्यवसाय सुचारू गराउने तयारीमा सुनसरी प्रसाशन

इटहरी । गृह मन्त्रालयले कोभिड–१९ का कारण प्रभावित भएको मुलुकको आर्थिक गतिविधि चलायमान हुने गरी कार्ययोजनाका साथ अघि बढ्न ७७ वटै जिल्ला प्रशासन कार्यालय र सुरक्षा अधिकारीलाई निर्देशन दिए लगत्तै सुनसरी प्रसाशनले असारको दोश्रो साताबाट ब्यवसायहरू खुलाउने तयारीमा जुटेको छ ।

जिल्ला प्रसाशनको कार्यालय सुनसरीले कोभिड १९ को महामारी र संक्रमणको अवस्थालाइ मध्यनजर गर्दै स्वास्थ्य मापदण्ड अनुसार सिमित समय तोकेर सुनसरीमा ब्यवसाय सुचारू गराउने तयारी भइरहेको जनाएको छ । केहि दिन यता खुकुलो बनाइएको लकडाउन असारको पहिलो सातासम्म यहि परिधिमा रहेर हेर बिचार गरिने र दोश्रो साताबाट पुनःपरिमार्जन गरि ब्यवसायीहरूलाइ पनि सहजता प्रदान गर्न निश्चित समय तोकेर ब्यवसायहरू सुचारू गर्न लागिएको जिल्ला प्रसाशन कार्यालय सुनसरीबाट बुझिएको छ ।

जिल्लामा आगामि ज्येस्ठ ३१ गते सम्म जारी गरिएको निषेधाज्ञाको समय सकिन लाग्दा सुनसरी प्रसाशनले गृहमन्त्रालयबाट प्राप्त परिपत्र अनुसार सम्बन्धित स्थानीय सरकार , उद्योग वाणिज्य संगहरू संग छलफल गरी सहजिकरण गरिने जनाइएको छ । समुदाय स्तरमममा फैलिएको नयाँ भेरियन्ट सहितको कोरोना संक्रमणका कारण सुनसरीमा गत बैशाख १७ गते देखि निषेधाज्ञा आदेश जारी भएको थीयो । निषेधाज्ञाका कारण ब्यापार व्यवसाय ठप्प बनिन पुगेको छ भने शैक्षिक संस्था लगायत बिकाश निर्माणका कामहरू पनि प्रभावित हुदै आएका छन ।

गृहमन्त्रालयबाट परिपत्र जारी भएसंगै सुनसरीमा ब्युटि पार्लर , शैलुन , होटल ब्यवसाय , शैक्षिक संस्था , नियमित लाग्ने हाट बजार र सभा सम्मेलन बाहेक अन्य ब्यवसायहरू सुचारू गराउने तयारी भएको जिल्ला प्रसाशन कार्यालय सुनसरीबाट बुझिएको छ । यसकालागि स्थानीय सरकारका जनप्रतिनिधिहरू र उद्योग वाणिज्य संघ संग बेग्लै छलफल सुरू भएको सुनसरीका प्रमुख जिल्ला अधिकारी उमेश प्रसाद ढकालले बताउनुभयो । छलफलले असारको पहिलो साताबाट ब्यवसाय सुचारू गृने सहमति भए पहिलो साताबाट पनि गर्न सकिने तर त्यसकालागि बनाइएको स्वास्थ्य मापदण्डको पालना अनिवार्य हुनुपर्ने जनाइएको छ ।