धरान/ धरान-१२ चतरालाईन स्थित धरान मेघा कलेजका बि.बि.एस.प्रथम बर्षमा अध्ययनरत बिद्यार्थीहरुले आर्थिक सन्कलन गरेर छाताचोक स्थित पुनस्थापना गृहलाई बिहिबार खाद्यान्न सामग्री बितरण गरेका छन।
बिद्यार्थीहरुले केन्द्रका सन्चालक भिम बहादुर राईलाई १ सय २५ किलो चामल, ५ किलो दाल, १ कार्टुन तेल, ४ किलो नुन, ५ किलो न्युटेला र १ कार्टुन बिस्कुट गरि १२ हजार ७५ रुपैया बराबरको खाद्य सामग्री बितरण गरे।
यस अघि कलेजमा सचेत नागरिक समूह धरान-१७ र धरान मानव कल्याण समाजलाई क्रमशस् ५-५ हजार हस्तान्तरण गरिएको छात्रा सपना राईले जानकारी दिइन।सचेत नागरिक समुहले बि.पि.कोइराला स्वास्थ्य बिज्ञान प्रतिष्ठानमा रहेको कोभिड अस्पतालमा रहेका बिमारीका कुरुवाहरुलाई खाना खुवाउदै आइरहेको छ।
त्यस्तै धरान मानव कल्याण समाजले सडक मानव र सडक बालबालिकाहरुलाई खाना खुवाउदै आईरहेको छ।यो माहामारीको समयमा बिद्यार्थीहरुको पनि सामाजिक दायित्व हुन्छ भन्ने कुरालाई हृदयङ्गम गरि साथिहरुका घर घरमा गएर अभिभावकलाई भेटी आर्थिक सन्कलन गरेर सहयोग गरेको छात्रा सपना राईले बताईन।
बिद्यार्थीहरुले स्वतस्स्फुर्त रुपमा आर्थिक सन्कलन गरेर माहामारीको समयमा सहयोग गर्छौ भने पछि कलेजले समन्वय गरेर हौसला दिएको कलेजका सम्योजक चन्द्र वनेमले जानकारी दिए। बिद्यार्थीहरुको सहयोग गर्ने सोचलाई सम्मान गर्दै हामिले समन्वय गर्यौस शैक्षिक निर्देसक अर्जुन घिमिरेले भने।
हस्तान्तरण कार्यक्रम पुर्णरुपमा स्वास्थ्य मापदण्ड पालना गरि सम्पन्न गरिएको शैक्षिक निर्देसक घिमिरेले जानकारी दिए। हस्तान्तरण कार्यक्रममा धरान मेघा कलेजका प्रीन्सिपल भास्कर पौडेल र आईडियल नोर्डिङ स्कुलका प्रीन्सिपल सागर खड्काको उपस्थिती रहेको थियो।