_1611147491.gif "#")
धरान । धरान उपमहानगरपालिकाको फोहोर बोक्ने ट्याक्टरबाट झरेर सफाइकर्मीको मृत्यु भएको छ ।
फोहोर बोकेर तिनकुने तर्फ जादै गरेको अवश्थामा धरानका ४० वर्षिय बाबुराम पौडेलको मृत्यु भएको हो । को १ त ६७ नम्बरको ट्याक्टरमा रहेको उनी धरान ८ स्थित ट्राफिक प्रहरी कार्यालय अगाडि ट्याक्टरबाट झरेका थिए ।
धरान उपमहानगरपालिकाको फोहोर बोकेको ट्याक्टर तीब्र गतिमा रहेको प्रहरीले जनाएको छ ।
ट्याक्टरबाट झरे पछि घाइते भएका उनलाई वीपी कोइराला स्वास्थ्य विज्ञान प्रतिष्ठान लगिएको थियो । उपचारकै क्रममा उनको मृत्यु भएको इलाका प्रहरी कार्यालय धरानका प्रहरी निरिक्षक हेमराज ओलिले जानकारी दिए ।
उनको टाउकोमा चोट लागेको प्रहरीले जनाएको छ । चालक र टयाक्टरलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरी निरीक्षक ओलीले भने ।
