_1693980289.gif "#")
वराहक्षेत्र / कोरोना भाइरसको नयाँ भेरियन्टको प्रभावले खाद्यनको जोह गर्न सकस परिरहेको वराहक्षेत्र धामका जोगी तथा संन्यासीहरुलाई नेपाली कांग्रेस वराहक्षेत्रले सहयो गरेको छ ।
नेपाली कांग्रेस बराहक्षेत्रले गठन गरेको कोरोना भाइरस नियन्त्रण व्यवस्थापन तथा परिचालन समितिले खाद्यन सहयोग गरेको हो ।
विगत २० दिनदेखि नियमित रुपमा संक्रमितको घरमा सेनिटाइज, पोष्टिक तत्व र बिरामिकालागि निःशुल्क एम्बुलेन्स सेबा दिई रहेको कांग्रेसले शनिवार वराहक्षेत्र मन्दिरमै पुगेर २१ जना जोगी तथा संन्यासीहरुलाई खाद्यन सहयोग गरेको हो ।
वराहक्षेत्र मन्दिर दर्शन गर्न आउने तिर्थालु र भक्तजनले दिएको दानवाट जिबिको पार्जन गर्ने जोगी ,संन्यासीहरुलाई निषेधज्ञाले तिर्थालु र भक्तजनको चहल पहल शुन्य भए पछि खाद्यनको जोह गर्न सकस भइरहेकोमा खाद्यन सहयोग गरेको नेपाली कांग्रेस कोरोना नियन्त्रण व्यवस्थापन तथा परिचालन समितिका संयोजक क्षेत्र नं ४ का सचिब रमेश कार्कीले बताए ।
जोगि तथा संन्यासीहरुलाई वराहक्षेत्र संरक्षण मञ्चसंग समन्वय गरेर खाद्यन प्रधान गरिएको थियो । वराहक्षेत्र मन्दिर परिषदमा रहेका २१ जना जोगी तथा संन्यासीहरुलाई चामल , दात, नुन, तेल, चिनि प्रदान गरिएको थियो ।
वितरण कार्यमा नेपाली कांग्रेस महा– समिति सदस्य अनु गुरुङ, नेपाली कांग्रेस वराहक्षेत्र नगर सभापति नारायण नेपाल , नेपाल दरुण दल वराहक्षेत्र सदस्य सुरज घिमिरे, वराहक्षेत्र संरक्षण मञ्चका अध्यक्ष भक्त श्रेष्ठ , सचिव राजु घिमिरे लगाएको उपस्थित रहेको थियो ।
कोरोना भाइरसका कारण खाद्यन जोह गर्ने समस्या भइरहेका जोगी तथा संन्यासीहरुलाई केही समस्या भए पनि खाद्यन व्यवस्था भएको वराहक्षेत्र संरक्षण मञ्चले जानकारी दिएको छ ।
