लागुऔषध सहित ३ जना पक्राउ

धरान । सुनसरीको हरिनगर गाउँपालिकाबाट लागुऔषध सहित ३ जनालाई प्रहरीले पक्राउ गरेको छ ।

हरिनगरको वडा नम्बर ५ स्थित बसन्तपुरबाट ट्रामाडोल ५० एमजिको ३ सय ४८ पत्तामा ३ हजार ४ सय ८० पिस क्याप्सुल सहित ३ जनालाई प्रहरीले पक्राउ गरेको हो ।

सुनसरीको घुस्कीबाट संखुवासभाको चैनपुरका लागि कामदार लिएर जादै गरेको प्र १–०२–००२ च ४७२७ नम्बरको बोलेरो गाडिमा चेकजाँच गर्दा लागुऔषध बरामद गरेको प्रहरीले जनाएको छ ।

पक्राउ पर्नेहरुमा इटहरी उपमहानगरपालिका बस्ने परिक्षण कुवँर, सवारी चालक विजय अधिकारी र हरिनगर ६ बस्ने नसिम अन्सारी रहेका छन् ।

उनीहरुलाई आवश्यक कारवाहीको लागि औषधि व्यवस्थापनको कार्यालय विराटनगर पठाएको प्रहरीले जनाएको छ ।