कार्तिक २६ र मंसिर ३ गते मध्याबधि निर्बाचन "प्रतिनिधिसभा पुनः विघठन"

काठमाडौँ । सरकार गठनका लागि परेका दुबै दावीमा खारेज भएपछि मध्यरातमा बसेको मन्त्रीपरिषद बैठकले प्रतिनिधिसभा विघठन गरि मध्याबधि निर्बाचन घोषणा गर्ने निर्णय गरेको छ ।

बालुवाटारमा बसेको मन्‍त्रिपरिषद्को आकस्मिक बैठकले आगामी कार्तिक २६ र मंसिर ३ गते नयाँ प्रतिनिधिसभाको निर्वाचन गर्ने निर्णय गरेको हो ।अब मन्त्रिपरिषदले सिफारीस गरेपछि राष्ट्रपतीले यसको घोषणा गर्ने छिन् ।

यसअघि पनि प्रधानमन्‍त्री ओलीले पुस ५ गते संसद विघटन गरेर चुनावमा जाने निर्णय गरेका थिए। तर कदमलाई सर्वोच्चले फागुन ११ गते बदर गर्दै संसद् पुनःस्थापना गरिदिएको थियो। विघटन भएको संसद् पुनर्स्थापनाका लागि विपक्षीहरूले आन्दोलनसमेत गरेका थिए।