_1693980289.gif "#")
धरान । रोट्रयाक क्लब अफ धरान द्वारा रोट्रयाक छात्रावृत्ति प्रदान गरिएको छ । श्री सरस्वती प्राथमिक विद्यालयका २ जना जेहेन्दार तथा आर्थिक अवस्था कमजोर भएका छात्राहरुलाई छात्रवृत्ति प्रदान गरिएको हो ।
रोटरी इन्टरनेशनलको साक्षरता अभियानलाई सहयोग पुर्याउन रोट्रयाक क्लबले रोट्रयाक छात्रावृत्तिको स्थापना गरेको हो । छात्रवृत्ति रोट्रयाक क्लब अफ धरान तथा रोटरी क्लब अफ विराटनगरका भुतपुर्व अध्यक्ष विनोद अग्रवालद्वारा प्रदान गरिएको हो । श्री सरस्वती प्राथमिक विधालय धरान १ पृथ्वीपथ निवासी कोमल साह र धरान १३ निवासी राज श्रेष्ठलाई श्री पब्लिक माविमा कक्षा ६ देखि १० सम्मका लागि अंगे्रजी माध्यममा पुर्ण छात्रावृति प्रदान गरिएको हो ।
गुगल मिटको माध्यमबाट विद्यालयका प्रध्यानाध्यापक राजेन्द्र खातिवडालाई डिजिटल सर्टिफिकेट प्रदान गरि कार्यक्रम सम्पन्न गरिएको थियो । लकडाउन खुलेपछि विद्यालय खुुल्न साथ विधार्थीहरुको भर्ना गरिने र प्रोजेक्ट क्लबको ४ बर्षे दिर्घकालीन परियोजना रहेको अध्यक्ष रेश्मा शाक्यले बताईन् ।
कार्यक्रम क्लबका सचिव रोजी श्रेष्ठद्वारा संचालन गरि अध्यक्ष रेश्मा शाक्यको अध्क्षयतामा सम्पन्न गरिएको थियो भने रोटरी क्लब अफविराटनगरका अध्यक्ष नविजु कुमार थपलियाको पनि उपस्थिति रहेको थियो ।
