बिद्यार्थी आन्दोलन: कहाँ चुक्यो कलेज प्रशासन ?

इटहरी । इटहरीमा सञ्चालित निजि कलेजको ज्यादती बिरूद्ध पहिलो पटक बिद्यार्थीहरू सडकमा उत्रिएका छन । समयमै जायज मागको सुनुवाइ नहुँदा र पटक पटक कलेज सञ्चालकहरूले बेवास्था गरेपछि बिद्यार्थीहरूले स्थानीय सरकार देखि राष्ट्रिय राजमार्ग नै अवरूद्ध गर्न बाध्य बनेका छन ।

कोरोना संक्रमणसंगै मुुलक लकडाउन हुँदा कलेजहरूले सो समयको पनि शुल्क तिर्न लगाएपछि बिद्यार्थीहरू आन्दोलित बनेका हुन । उनीहरूले लकडाउनको समयको कुनै शुल्क नलिन कलेज सञ्चालकहरूसंग आग्रह गर्दा वेवास्था गर्दै आएका थिए ।

इटहरी स्थित कस्तुरी कलेजबाट सुरू भएको बिद्यार्थी आन्दोलन अहिले अधिकांस निजि कलेज प्रवेश गरिसकेको छ फलस्वरूप शयौको संख्यामा अध्यन्नरत बिद्यार्थीहरू हाल दैनिक जसो सडकमा उत्रिन बाध्य बनेका छन । आन्दोलनरत बिद्यार्थीहरूले शुक्रबार नाम चलेका ४ वटा निजि कलेजहरूमा अनिश्चितकालिन तालाबन्दी समेत गरेका छन ।

उनिहरूले इटहरीस्थित विश्व आदर्श, सुष्मा, कस्तुरी र कोशी कलेजमा तालाबन्दी गरेका हुन । माग सुनुवाइ नभएसम्म आन्दोलन नरोकिने बताउँदै आएका बिद्यार्थीहरूले निजि कलेजका सञ्चालकहरूलाइ आगामी १३ गते सम्मको अल्टिमेटम दिएका छन । पटक पटक जायज मागहरू राख्दा पनि कलेज प्रसाशनले बेवास्था गरेपछि बाध्य भएर आन्दोलन गर्नु परेको इटहरीस्थित कस्तुरी कलेजका बिद्यार्थीहरूले बताउदै आएका छन । बिद्यार्थीहरूको आन्दोलनका कारण शिक्षक र कर्मचारी असुरक्षित बनेको भन्दै हिसान सुनसरीले पनि शुक्रबार एक बिज्ञप्ति जारी गर्दै निजि कलेजका सञ्चालकहरूलाइ माग सुनुवाइ गरिदिन आग्रह गरेका छन । हिसान सुनसरीले बिद्यार्थीहरूलाइ शान्तीपुर्ण रूपमा आन्दोलन गर्न आग्रह गर्दै शनिबार देखि अनिश्चितकालिन निजि कलेजहरू बन्दको घोषणा गरेको छ ।

बिद्यार्थीहरूले संयुक्त आन्दोलन चर्काउदा निजि कलेजमा तालावन्दीको क्रममा विश्व आदर्श कलेजका सुरक्षा गार्ड मोहनकुमार अधिकारीलाइ आक्रमण गरेका थिए । बिद्यार्थी आक्रमणमा परि घाइते बनेका सुरक्षागार्ड अधिकारीलाइ उपचारको निमित्त बिराटनगर स्थित बिराट मेडिकल भर्ना गरिएको छ ।

कहाँ चुके निजि कलेजका सञ्चालक
शुरूवाती समयमा बिद्यार्थीको आन्दोलनलाइ साम्य बनाउन सम्बन्धित कलेज प्रशासन चुकेपछि स्थिति सोचेको माहोल भन्दा बाहिर हुन पुगेको छ । बिद्यार्थी आन्दोलनलाइ कमजोर सम्झिदा निजि कलेज प्रसाशनले ठुलो झटका र घाटा बेहोर्नु पर्ने देखिएको छ ।

लकडाउन अवधिको शुल्क मिनाहाको माग गर्दै गत एक साता देखि इटहरीका आधा दर्जन बढी निजि कलेजका सयौ बिद्यार्थीहरू आन्दोलनमा उत्रिएको पहिलो हो ।

कलेज सञ्चालकहरूले सहमतिको बाटो नअपनाइ उल्टै अभिभावक तर्साउने र बिद्यार्थीहरूलाइ चिड्याउने जस्ता गतिविधिहरू गर्न थालेपछि आक्रोशित बिद्यार्थीहरूले पठन पाठन मात्र नभइ कलेज सञ्चालकहरूको निन्द्रा उडाइदिएका छन । अहिले बिद्यार्थी आन्दोलन स्थानीय हदै, प्रदेश सरकार र केन्द्रीय सरकार सम्म पुगिसकेको छ ।
हिरो बन्ने दाउमा बिद्यार्थी संगठन

कलेज नलागेको समयको शुल्क नलिन आग्रह गर्दै आन्दोलनमा उत्रिएका कस्तुरी कलेजका बिद्यार्थीहरूलाइ सुरूमा कुनै राजनीतिक दलका बिद्यार्थी संगठनले चासो लिएनन । बिद्यार्थीहरूको माग जायज रहेको भन्दै जब अन्य कलेजहरू बिश्व आदर्श, सुस्मा र कोशी कलेजका बिद्यार्थीहरू पनि सोही आन्दोलनमा मिसिन आए तब गुणात्मक र तुलनात्मक दुवै हिसाबले संख्या चौवर हुन पुग्यो । राजनीतिक संगठन भन्दा बाहिर रहेका निजि कलेजका बिद्यार्थीहरूले आन्दोलन गरिरहँदा नेतृत्वकर्ता उनीहरू आफै बनेका थिए ।

जब बिद्यार्थी संख्या बढेर इटहरीको कुनै निकायले थेग्न नसक्ने अवस्थामा पुग्यो तब जनता कलेजमा अनाहक शुल्क बृद्धिको नारा लगाउदै बिद्यार्थी संगठन हावी वने र निजि कलेजले माग सम्बोधन गर्नुपर्ने तर्क राखे ।

बिद्यार्थी आन्दोलनमा नेकपा एमालेको अखिल नेपाल स्वतन्त्र बिद्यार्थी युनियन, कांग्रेसको नेपाल बिद्यार्थी संघ र माओवादीको अखिल नेपाल स्वतन्त्र बिद्यार्थी युनियन (क्रान्तिकारी ) लगायतका संगठनहरूले पनि ऐक्यवद्धता जनाए ।
अबको बाटो
बिद्यार्थी आन्दोलन साम्य बनाउन उपमहानगरले पनि भुमिका नखेलेको होइन । निजि कलेजहरूका सञ्चालकसंग वार्तामा बसेको बेला मेयर द्वारिकलाल चौधरीले सञ्चालकहरूलाइ एक हप्ताको समय दिन माग गरेको बेला बिद्यार्थीहरूले अस्विकार गरेका थिए ।

मेयरको आग्रह अस्वीकार बिद्यार्थीहरूका लागि असोभनीय देखिएको थियो । बिद्यार्थीहरूले कलेज सञ्चालकहरूलाइ निश्चित समय दिएर वार्ताको टेवलमा बस्नु नै अहिलेको उत्तम बिकल्प रहेको शिक्षाविदहरू बताउँछन ।