वराहक्षेत्रमा कांग्रेसद्बारा नगर सभा बहिस्कार "मेयर खनाललाई राजेश्व चुवावट सहित ४ बुदे असन्तष्ट पत्र "

चतरा / शुक्रवार आयोजना भएको वराहक्षेत्र नगरपालिकाको सातौ नगर सभा नेपाली कांग्रेसबाट निर्वाचित जनप्रतिनिधिहरुले बहिस्कार गरेका छन् । नेपाली कांग्रेस नगर कार्य समिति वराहक्षेत्रको हुइप अनुसार बिहान सम्पन्न नगर कार्यपालिका सदस्यको बैठक समेत बहिस्कार गरेका थिए । ३ वडाध्यक्ष सहित १२ जना जनप्रतिनिधिहरुले मध्यायनबाट सुरु नगरसभा लिखित असन्तुष्ट पत्र बुझाउदै बहिस्कार गरेका थिए ।

साढे ३ वर्षको नगरपालिका सञ्चालनमा मेयर निलम खनालले एकलौटि निर्णय गर्देे काम गरेको , ढेक्का पट्टा, टेन्डरमा सेटिङ्ग गरि कार्यक्रता रिजाउने गरेको, बिकास निर्माणमा एक्लौटि गरि राजनैतिक आग्रह पुर्वाग्र र मिलेमतो गरि आर्थिक अपचलन गरेको भन्दै चार बुदे असन्तष्ट पत्र मेयर खनाललाई बुझाएका थिए ।

कांग्रेसका जनप्रतिनिधिहरुले नगर सभाको निमन्त्रणा पाएका नेपाली काग्रेस महाधिवेशन प्रतिनिधि तथा वडा नं १ वडाध्यक्ष सुरेश श्रेष्ठलाई बिना कारण प्रहरीले धरपकट गरि नियन्त्रणमा राख्दा पनि नगरपालिकाले एउटा बिक्षप्ति समेत ननिकालेको हुदा वडाध्यक्षनै असुरक्षित रहेकाले सामान्य जनताको नगरपालिकाले सुरक्षा गर्न नसक्केको हाम्रो ठहर सहित , नगरपालिकाको नगर सभाबाट पारित गरेको पानिबोटले वराहक्षेत्र नगरपालिकाको राजेश्ब शाखामा प्रति बोट भुक्तानि गर्ने ३ लाख पानिबोट सञ्चालकले नतिरेको र सो राजेश्व उढाउन पटक- पटक नगर सभामा कुरा उठाउदा समेत वेवास्ता गरी सो राजेश्ब नउढाएको , पानिबोट सञ्चालनकले मनोमानि भाडा दर असुल्ने गर्ने गरेको प्रति वेवास्ता गरेको र किरात धर्मालम्बीहरुले आस्थाको केन्द्रको रुपमा रहेको खुवालुङ धानाको ढुङ्गा फुटाउन नेपाल सरकारले बजेट छुटाई जातिय हिसां फैलाउन खोज्दा पनि नगरपालिका मौन रहेको बिषयमा असन्तष्ट जनाएका थिए ।

नगर सभा सुरु हुन साथ नगर सभाध्यक्ष मेयर निलम खनालसंग बोल्न समय लिदै वराहक्षेत्र नगर सभाका प्रमुख प्रतिपक्षका नेता समेत रहेका वडा नं २ का अध्यक्ष हरिकृष्ण भट्टराईले २ पाना लामो असन्तष्ट पत्र बाचन गरेका थिए ।