ढल निकास नहुँदा सास्ती

इटहरी/  स्थानीय निर्वाचन सुरू हुँदा जनप्रतिनिधिले लगाएको इटहरी बिकास संगै सुपर समृद्धिको नारा यति बेला फेल हुदै गएको छ । एका तिर ६ लेन सडकले समयमै पुर्णता नपाउनु अर्को तिर स्थानीयहरूको गुनासोलाइ जनप्रतिनिधिले बेवास्था गरिदिनुले इटहरीमा सुपर समृद्धिको नारा कागजमै सिमित बनिन पुगेको छ ।

निर्माणधिन ६ लेन राजमार्गले समयमै पुर्णता नपाउँदा अहिले इटहरीका सर्वसाधारण देखि ब्यवसायीहरू सम्म प्रत्यक्ष मारमा परेका छन । सडक निर्माणकै क्रममा ढल फुटेपछि पानी राजमार्ग हुदै ब्यवसायीको पसल सम्म पुग्ने गरेको छ । राजमार्गमा जमेको पानीको दुगन्धले सर्वसाधारणहरुले सास्ती भोग्नुपरेको छ । इटहरीको बिराटनगर रोड र पूर्व जनता स्कुलको गेट अगाडी ढल फुटेर पानी राजमार्ग सम्म आइपुगेको छ ।

जमेको पानीले निकास नपाएपछि राजमार्ग हुदै गुड्ने सवारीसाधनले ढल उछिटाएर ब्यवसायहरूको पसल सम्म पुर्याउने गरेको छ भने कतिपय हिडिरहेका पैदलयात्रीहरूलाइ समेत बाछिटा पुग्ने गरेको छ । उपमहानगरका जनप्रतिनिधिहरू संग पटक पटक समस्या सामधानको लागि अनुरोध गर्दा पनि सुनुवाइ नै नभएको इटहरी बिराटनगररोड स्थित कपडा ब्यवसायी सुनिल महत बताउँछन ।

केहि समय अघि धुवा र धुलोका कारण आक्रान्त बनेपछि राजमार्ग अवरूद्ध गरेका रोडका ब्यवसायीहरू पुनः ढल निकासिको माग गर्दै आन्दोलनमा उत्रने तयारीमा जुटेका छन । पटक पटक समस्या सुनाउँदा पनि ब्यवसायीहरूको गुनासो सम्बोधन नहुने हो भने अब आन्दोलनको बिकल्प नरहेको स्थानीय सुनचादि ब्यवसायी सुवास बिक बताउँछन् । ढल फुटेर राजमार्गमै खोला बग्न थालेपछि इटहरीको पूर्व लाइनस्थित एक मिष्ठान्न भण्डार तथा खाजा घरमा सेवाग्राहिहरू नै आउन छोडेका छन । ढलको दुर्गन्ध र जमेको पानि देखेपछि ग्राहकहरु नै आउन छाडेको होटल व्यवसायी बताउँछन् । उनले भने, ‘हामि नाक थुनेर काम गर्न बाध्य छौ, अनि ग्राहक कसरी आउँछन् ।’

दुर्गन्धका कारण सर्वसाधारणहरू नाक थुनेर हिडनु त छदैछ त्यसमा पनि राजमार्गमा गुडने सवारीले पानी उछिट्याउदै गुडाएपछि पैदलयात्रीहरु झनै मारमा पर्ने गरेका छन । बिराटनगर रोडमा केहि समय पछि ६ लेन राजमार्गले तिब्रता पाउने र जमेको पानीहरूपनि ब्यवस्थापन हुने इटहरीका मेयर द्वारिकलाल चौधरीले बताए । ब्यवसायीहरूबाट आएको गुुनासो सुन्ने मात्र नभइ समस्याको हल गर्न उपमहानगर कटिवद्ध रहेको उनले बताए ।