इटहरी नेपाल कम्युनिस्ट पार्टीका अध्यक्ष ऋषिराम कट्टेलले मुलुकका अधिकांश प्रमुख दलका नेताहरू राष्ट्रघाती रहेको प्रमाणित भइसकेको बताएका छन् । इटहरीमा मङ्गलबार आयोजित आमसभालाई सम्बोधन गर्दै उनले यस्तो बताएका हुन् ।
चुनावको बेला आपूmलाई राष्ट्रवादी बताउने सबै नेता चुनाव जितेर सत्तामा पुगेपछि पद र पैसाको लोभले देशप्रति जिम्मेवार नबनेको अध्यक्ष कट्टेलको आरोप छ ।
रणनीतिक संयुक्त मोर्चाले आयोजना गरेको आमसभालाई सम्बोधन गर्दै अध्यक्ष कट्टेलले मुलुकमा विद्यमान् राजनीतिक परिघटनाका कारण देशवासी अलमलमा परेको र यसको जिम्मा सरकार आपैmँले लिनुपर्नेमा जोड दिए । नेकपाभित्र देखिएको गुटबन्दीका कारण देशवासी चेपुवामा परेको बताउँदै उनले पार्टीगत विवाद सडकमा नभई वार्तामा बसेर टुङ्ग्याउनुपर्ने धारणा राखे ।
कार्यक्रममा नेकपा क्रान्तिकारी माओवादीका प्रवक्ता हरिभक्त कँडेल, धिरेन्द्रकुमारी उपाध्याय (भृकुटी) देशभक्त जनमञ्चका अध्यक्ष सुरेन्द्र कार्की, स्वतन्त्र वाम बुद्धिजीवी नरेन्द्र बस्नेत, मधेशी मुक्ति आन्दोलनका अगुवा महेश यादवलगायतले बोलेका थिए । कार्यक्रम नेकपा (क्रान्तिकारी माओवादी) का प्रदेश एक इन्चार्ज मिनकुमार राउतको अध्यक्षतामा भएको थियो ।