विप्लव समूहसँग वार्ता गर्न सरकारद्वारा २ सदस्यी र्वाता टोली गठन "गृहमन्त्रीको नेतृत्वमा समिति गठन"

धरान । प्रतिबन्धित नेपाल कम्युनिष्ट पार्टी (विप्लव समूह) सग वार्ता गर्न सरकारले २ सदस्यी वार्ता टोली गठन गरेको छ ।

सरकारका प्रवक्ता एवम सूचना तथा सञ्चार मन्त्री पार्वत गुरुङले मंगलबार मन्त्रालयमा पत्रकार सम्मेलनको आयोजना गरि २ सदस्यी र्वाता टोली गठन गरिएको बताएका हुन् ।
उनले गृहमन्त्री रामबहादुर थापा(बादल)को संयोजकत्वमा प्रधानमन्त्री केपी शर्मा ओलीका परराष्ट्र मामिला सल्लाहकार राजन भट्टराई सहितको दुई सदस्य टोली गठन गरिएको बताए ।

मन्त्री गुरुङले छिटै वार्ता हुने विश्वास पनि व्यक्त गरेका छन् । साथै नेपाललाई शान्त बनाउने र सशस्त्र समूह सबैलाई शान्ति प्रक्रियामा ल्याउने सरकारको तयारी रहेको उनको भनाइ छ ।