_1693980289.gif "#")
विराटनगर । मोरङको जहदामा रातको समयमा घरबाहिर पिसा फेर्न निस्एिकी एकजना किसोरी बलात्कारको सिकार भएकी छन ।
जहदा गाँउपालिका वडा नम्बर १ कि १४ वर्षीया बालिकाको सोमबार राति ९ बजे पिसाब गर्न घर नजिकैको बाटोमा निस्किएका बेला दुई जनाले नियन्त्रणमा लिई बलात्कार गरेको पीडितले बताएकी छन ।
राति नै मोटरसाईकलमा आएका दुई जनाले आफूलाई जर्बजस्ती घरबाट दक्षिणतर्फ लगेर पालैपालो बलात्कार गरेको ती बालिकाको भनाई छ ।
राति बालिका घर नफर्किएपछि अभिभावकले खोजी नभेटिएको र तीन घण्टापछि मात्र उनी परिवार अनि गाउँलेको सम्पर्कमा आएकी थिइन । गाउँमा हल्ला भएपछि गाउँलेहरु राति ११ बजे बालिकाको खोजीमा निस्किएका थिए र १ बजे प्रहरीले जानकारी पाएको थियो ।
घटनामा प्रयोग भएको को २२ प १८१६ नम्बरको मोटरसाइकल फेला परेको इलाका प्रहरी कार्यालय रानी, विराटनगरका प्रहरी निरीक्षक दीपक थापाले जानकारी दिएका छन् । घटनामा संलग्नहरुको पहिचान भइसकेको र खोजी कार्य सुरु गरेको प्रहरीको भनाई छ ।
घटनास्थल नेपालभारत सीमा क्षेत्रबाट करिब दुई किलोमिटर नेपालतर्फ पर्छ । हल्ला भएपछि उनीहरु राति नै भारततर्फ भागेको प्रहरीको आशंका छ ।
बालिकाको तर्फबाट इलाका प्रहरी कार्यालय रानीमा मंगलबार जाहेरी दर्ता भएको छ । बालिकाको स्वास्थ्य परीक्षणका लागि माइती नेपालको सेफहाउसमा राखिएको छ ।
