_1693980289.gif "#")
धरान/ सरकारले सोनाम ल्होछारको अवसरमा माघ ३० गते सार्वजनिक बिदा दिने निर्णय गरेको छ ।
मन्त्रिपरिषद्को सोमबार बसेको बैठकले त्यस दिन सार्वजनिक बिदा दिने निर्णय गरेको हो ।
तामाङ, ह्योल्मोलगायतका हिमाली क्षेत्रमा बसोवास गर्ने समुदायले सोनाम ल्होछारलाई नयाँ वर्षको रूपमा मनाउने गर्छन् । यसअघि सरकारले ल्होछार, माघे सङ्क्रान्तिलगायतका चाडपर्वको बिदा कटौती गरेको थियो तर सरकारले यी चाडपर्वहरूमा फेरि सार्वजनिक बिदा दिन लागेको छ ।
यसअघि माघे सङ्क्रान्तिको दिन पनि सार्वजनिक बिदा दिइएको थियो तर गत पुस १५ मा मनाइएको तमू ल्होसारको दिन भने सरकारले सम्बन्धित जातिलाई मात्रै बिदा दिएको थियो ।
सरकारले २०५१ सालदेखि सोनाम ल्होछारको दिन बिदा दिन थालेको हो तर ओली नेतृत्वको सरकारले २०७४ सालदेखि त्यस दिनको बिदा कटौती गरेको थियो । त्यस वर्ष पूरै बिदा दिने गरिएका १० वटालाई आंशिक बनाइएको थियो भने १२ वटा बिदा पूर्णरूपमा कटौती गरिएको थियो । ती बिदाहरू फेरि दिन थालिएको छ ।
