धरान । नेपाल राष्ट्र बैंकबाट ‘क’वर्गको इजाजत प्राप्त नेपाल बङ्गलादेश(एनबी) बैंकले एउटै खाताबाट दुईवटा सुविधा पाउने गरि डिसी कार्ड योजना ल्याएको छ । बैकले विभिन्न पेशमा कार्यरत व्यक्तिहरुको व्यक्तिगत आवश्यकता पुरा गर्न यो योजना ल्याइएको बैकंले जनाएको छ ।
बैंकको सागुरीगढीं शाखा (भेडेटार) शाखाका प्रबन्धक विनम श्रेष्ठका अनुसार योजना अन्तर्गत ग्राहकहरुले एउटै खाताबाट कर्जा तथा बचतको सुबिधा पाउन सक्ने छन् ।
उनका अनुसार यस योजनामा ग्राहकहरुले कर्जाको सीमा अन्तर्गत रही रकम उपयोग गर्न पाउनेछन् ।
साथै सीमा बाहेकको रकम उक्त खातामा जम्मा गर्दा उक्त रकममा बचत खाताको ब्याज पनि प्राप्त गर्न सक्नेछन् ।उनका अनुसार एउटा खाताबाट पाँचलाख सम्मको कर्जा सुविधा उपलब्ध हुने छ ।
बैंकको देशै भगरि रहेका ९९ शाखाबाट यो सुविधा प्राप्त हुने बैकले जनाएको छ । बैंकका ९९ शाखा सहित , ७ एक्सटेन्सन काउन्टर, तथा ८२ वटा एटीएमबाट बैंकिङ्ग सुविधा दिंदै आएको छ ।