_1693980289.gif "#")
धरान÷ क्याडिला फर्मास्युटिकल कम्पनीका भर्टिकल हेड अमित जैनले कम्पनीमा कार्यरत् नेपाली कर्मचारीहरूमाथि अभद्र व्यवहार गरेका छन् ।
भारतको अहमदावाद गुजरातमा रहेको सो कम्पनीले गत पुस २७ गते जुम मिटिङ राखेको थियो । सोही मिटिङमा जैनले नेपाली कर्मचारीहरूमाथि अपशब्द प्रयोग गर्दै गालीबेइज्जती गरेको मिटिङमा सहभागी नेपाली कर्मचारी शरदकुमार शर्माले बताए । कोरोना सङ्क्रमणका कारण भएको बन्दाबन्दीकाबेला औषधिको बिक्री घटेको निहुँमा उनले नेपाली कर्मचारीहरूलाई जथाभावी गाली गरेका हुन् ।
उनले मिटिङमै अपशब्द प्रयोग गर्न थालेपछि प्रतिवाद गरेका आपूmलगायतलाई कामबाट निकालिदिने धम्कीसमेत दिएको शर्माले जनाए ।
जैनले ‘औषधिको व्यापारमा किन कमी आएको ?’ भन्ने प्रश्न गर्दै मोबाइलमार्पmत् रिपोर्टिङ गर्ने सिस्टमलाई बन्द गरिदिने बताएका थिए । उनले कम्पनीबाट राजीनामाका लागि दवाब दिँदै पारिश्रमिक पनि नदिने धम्की दिएको गुनासो कर्मचारीहरूले गरेका छन् ।
२३ वर्षयता सो कम्पनीमा काम गरिरहेका शर्मा भर्टिकल हेडको सो व्यवहारपछि उनीसँग काम गर्न नसक्ने अवस्थामा पुगेको बताउँछन् । सो कम्पनीले ग्यास्ट्रिक, रक्तचापजस्ता रोगहरूको औषधि उत्पादन गरिरहेको छ ।
