माघ २३ गते काठमाण्डौंमा ओली समूहको ‘वृहत जनसभा’, दुई लाख जनता उतार्ने दाबी

धरान : नेपाल कम्युनिष्ट पार्टी नेकपा ओली पक्षले आगामी माघ २३ काठमाण्डौंमा वृहत जनसभा आयोजना गरि २ लाख मानिस सहभागि गराउने भएको छ ।

सोमबार पार्टी कार्यलय धुम्बाराहीमा ओली समूहको बागमती प्रदेश संगठन कमिटील अयोजना गरेको पत्रकार सम्मेलना दुई लाख मानिस सहभागी गराउने दाबी गरेको हो ।

‘अराजकताको अन्त्य, भौगोलिक अखण्डता, संविधानको रक्षा गर्दै विकास र समृद्धिमार्फत राजनीतिक स्थायित्वको लागि ताजा जनादेश’ भन्ने मुल नाराका साथ रत्नपार्कमा हुने वृहत भेलालाई पार्टि अध्यक्ष एवम् प्रधानमन्त्री केपी शर्मा ओली लगायत शिर्ष नेताहरुले सम्बोधन गर्ने तयारी रहेको बताइएको छ ।

 बागमती प्रदेशका मुख्यमन्त्री एवम् नेकपा नेता ईश्वर पोखरेलले अहिलेनै दुबै पक्षबिच एकता भइनहाल्ने बताए । यदि भइहाले पनि भइहाले पनि दुई शर्तमामा मात्रै सम्भव भएको उनले बताए ।

उनले भने, ‘कात्तिक २८ गते प्रचण्डले प्रथम अध्यक्षलाई जुन गम्भीर आरोप लगाउनु भएको छ, त्यो अभियोग पत्र फिर्ता लिनुपर्छ । र, घोषित निर्वाचनमा सहभागी हुन तयार भएर आउनुपर्छ । त्यसो हुँदा अहिले जुन स्थिति देखिएको छ, त्यसलाई टार्न सकिन्छ ।’

नेकपाले सकेसम्म सभा स्थललाई फोहोर नबनाउन अपिलसमेत गरेको छ ।