_1693980289.gif "#")
विराटनगर । विराटनगरको अवधनारायण मेमोरियल क्लिनिक तोडफोड भएको छ । लापरवाहीका कारण बिरामीको मृत्यु भएको आरोप लगाउँदै आफन्तले क्लिनिक तोडफोड गरेका हुन ।
मोरङको बेलबारी नगरपालिका वडा नम्बर ८ निवासी ३२ वर्षीया सजना राईको उपचारका क्रममा लापरवाही भई मृत्युको भन्दै आफन्तले क्लिनिक तोडफोड गरेका हुन ।
उनको पित्तथैलीमा बसेको पथरियाको शल्यक्रिया गरिएको थियो । राईको धरानस्थित बिपी कोइराला स्वास्थ्य विज्ञान प्रतिष्ठानमा शुक्रबार मृत्यु भएको हो । तर, आफन्तले भने अवधनारायण क्लिनिकमा भर्ना गरराई अप्रेसन गर्दा लापरवाहीले मृत्यु भएको आरोप लगाएका छन ।
जिल्ला प्रहरी कार्यालय मोरङका डिएसपी लोकदर्शन थापाले घटनामा संलग्न भएका तीन जनलाई नियन्त्रणमा लिइएको बताएका छन ।
प्रहरीका अनुसार राईलाई गत पुस २८ गते विराटनगर–७ स्थित अवधनारायण मेमोरियल क्लिनिकमा भर्ना गरिएको थियो । त्यही दिन अप्रेसन भएको थियो । तर, अक्सिजनसहितको आइसियू आवश्यक भएपछि २९ गते धरान रेफर गरिएको थियो ।
बुबा होमबहादुर राईले लापरवाहीकै कारण छोरीको मृत्यु भएकोले शव नबुझ्ने बताएका छन ।
