धरानःएटीमएम मेशिन फुटाएर चोरी गरेको अभियोगमा इलका प्रहरी कार्यलय धरानले एक जना लाई प्रकाउ गरेको छ ।
धरान १२ महेन्द्र पथस्थित एनआइसि एसिया बैंक धरान शाखाको एटिएम मेशिन आइतबार साँझ करिब ७ बजे फुटाएर चोरी गर्नेलाई प्रहरीले हिजो सोमबार साँझ पक्राउ गरेको हो ।
घटनाबारे जानकारी पाएलगत्तै इलाका प्रहरी कार्यालय धरानले सिसिटिभी फुटेजको आधारमा चोरीमा संलग्नलाई हिजै प्रकाउ गर्न सफल भएको हो ।
पक्राउ पर्नेमा कोशी गाउँपालिका ३ कोशीकटान जुद्धगञ्ज घर भई धरान ३ मा डेरा गरि बस्ने २३ बर्षीय सुभान मन्सुरी रहेको इलका प्रहरी कर्यालय धरानले जनाएको छ ।
इलका प्रहरी कार्यलय धरानका प्रमुख डिएसपी ज्ञानेन्द्र बस्नेतका अनुसार उनलाई हिजो साँझ करिब ५ बजे धरान १८ स्थित वीपी कोइराला स्वास्थ्य विज्ञान प्रतिष्ठान धरान हाता भित्रबाट पक्राउ गरिएको हो ।
पक्राउ परेका मन्सुरी यसअघि पनि गाउँमा नै चोरीमा पक्राउ परेका थिए । उनी धरानमा ज्याला मजदुरी काम गर्ने गरेको पनि डिएसपी बस्नेतले जानकारी दिए ।